ନନ୍ଦିଘୋଷ ବ୍ୟୁରୋ : ଇରାନକୁ ୪୮ ଘଣ୍ଟାର ମହଲତ। ଇରାନ ଆଗରେ ଦୁଇଟି ବିକଳ୍ପ ରଖିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ୪୮ ଘଣ୍ଟାରେ ଚୁକ୍ତି କର ନଚେତ୍ ହର୍ମୁଜ ଖୋଲ । ନହେଲେ ଇରାନରେ ନର୍କ ବର୍ଷିବ ବୋଲି ଚେତାଇ ଦେଇଛନ୍ତି ଟ୍ରମ୍ପ । ଟ୍ରମ୍ପ କହିଛନ୍ତି, ଇରାନ ଉପରେ କଠୋର ପରିଣାମ ଆସିବାକୁ ମାତ୍ର ୪୮ ଘଣ୍ଟା ବାକି ଅଛି । ଯଦିଓ ଇରାନ ଯୁକ୍ତରାଷ୍ଟ୍ରର ପ୍ରସ୍ତାବକୁ ଏକପାଖିଆ ଏବଂ ଅନ୍ୟାୟ ବୋଲି ପ୍ରତ୍ୟାଖ୍ୟାନ କରିଛି । ଆସନ୍ତାକାଲି ୧୦ ଦିନ ପୁରୁଥିବା ବେଳେ ଟ୍ରମ୍ପଙ୍କ ଏଭଳି ଧମକକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଟମ୍ପଙ୍କ ଏଭଳି ଚେତାବନୀ ପରେ ଇରାନରେ ଆମେରିକା ଗ୍ରାଉଣ୍ଡ ଅପରେସନର ଭୟ ବଢ଼ିଛି । ସେପଟେ ଇରାନ ଉପରେ ଇସ୍ରାଏଲ ମଧ୍ୟ ପ୍ରଚଣ୍ଡ ଆକ୍ରମଣ ଜାରି ରଖିଛି । ଇରାନର ମହାସହର ପେଟ୍ରୋ କେମିକାଲ ଉପରେ ଇସ୍ରାଏଲ ଆକ୍ରମଣ କରିଛି । ଏଥିରେ ୫ ଜଣଙ୍କ ମୃତ୍ୟୁ ହୋଇଥିବା ଇରାନ ମିଡିଆ ଦାବି କରିଛି । ଇରାନ ପକ୍ଷରୁ ମଧ୍ୟ ଇସ୍ରାଏଲ ଉପରେ ଜୋରଦାର ଆକ୍ରମଣ ହୋଇଛି । ଏହାସହ ମଧ୍ୟପ୍ରାଚ୍ୟର ଦେଶ ଉପରେ ଇରାନ ଆକ୍ରମଣ ଜାରି ରଖିଛି । ଅନ୍ୟପଟେ ନିଖୋଜ ଥିବା F-15 ପାଇଲଟଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି ଆମେରିକା।
