ଦୁର୍ବଳ ହେଲା ଗଭୀର ଅବପାତ; ଆସନ୍ତା ୩୧ ତାରିଖ ପରେ ବଦଳିବ ପାଗ

ଭୁବନେଶ୍ୱର: ଦୁର୍ବଳ ହୋଇ ଅବପାତରେ ପରିଣତ ହେଲା ଗଭୀର ଅବପାତ । ବର୍ତ୍ତମାନ ବାଂଲାଦେଶ ଉପରେ ସକ୍ରିୟ ଥିବାବେଳେ, ପ୍ରଭାବରେ ଆଜି ଉତ୍ତରପୂର୍ବ ରାଜ୍ୟ ଗୁଡିକ ପାଇଁ ପ୍ରବଳରୁ ଅତିପ୍ରବଳ ତଥା କିଛି ଅଞ୍ଚଳରେ ଅତ୍ୟନ୍ତଭାରି ବର୍ଷା ପାଇଁ ରେଡ ଆଲର୍ଟ ଜାରି କରିଛି ପାଣିପାଗ ବିଭାଗ। ୩୧ ତାରିଖ ପରେ ବଦଳିବ ପାଗ। ଆଗକୁ ପାଣିପାଗ ନିୟମକ ସକ୍ରିୟ ନଥିବାରୁ ପାଗ ବଦଳିବ । ୧ ତାରିଖ ଠାରୁ ବର୍ଷା କମିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର।

ସେପଟେ ରାଜ୍ୟରେ ଲଘୁଚାପ ଜନିତ ବର୍ଷା ଲାଗି ରହିଥିବା ବେଳେ ବିଭିନ୍ନ ଜିଲ୍ଲାରେ ତୁହାକୁ ତୁହା ବର୍ଷା ହେଉଛି । ଆଜି ଓଡିଶାର ଉପକୂଳ ଜିଲ୍ଲାମାନଙ୍କରେ ପ୍ରବଳରୁ ଅତି ପ୍ରବଳ ବର୍ଷା ନେଇ ମୟୂରଭଞ୍ଜ, ବାଲେଶ୍ଵର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର,ଗଞ୍ଜାମ, ଗଜପତି, ରାୟଗଡା କଳାହାଣ୍ଡି, କୋରାପୁଟ, ନବରଙ୍ଗପୁର ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

ସେହିପରି ଅନ୍ୟ ୧୧ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି ହୋଇଥିବା ବେଳେ ଆସନ୍ତାକାଲି ଯାଏଁ ମତ୍ସ୍ୟଜୀବୀଙ୍କୁ ଗଭୀର ସମୁଦ୍ରକୁ ନଯିବାକୁ ପରାମର୍ଶ ଦିଆଯାଇଛି ।