ସ୍ୱପ୍ନରେ ସାପ ଦେଖିଲେ କ’ଣ ହୁଏ ?

ସ୍ୱପ୍ନରେ ମଣିଷକୁ ବହୁତ କିଛି ଦେଖିବାକୁ ମିଳେ । ସେ କିଛି ବି ହୋଇପାରେ । ଖାଦ୍ୟ ହୋଇପାରେ, ବସ୍ତ୍ର ହୋଇପାରେ , ସମ୍ପର୍କୀୟ ହୋଇପାରନ୍ତି ବା କୌଣସି ଜୀବଜନ୍ତୁ । ଏ ସବୁକୁ ନେଇ ମଣିଷର କିଛି ଆଗାମୀ କଥା ବିଷୟରେ ଜାଣିବାକୁ ମିଳେ ବୋଲି କୁହାଯାଏ । ସେହିଭଳି ଏକ କଥା ସାପକୁ ନେଇ ରହିଛି । ଯଦି ଆପଣ ସ୍ୱପ୍ନରେ ସାପ ଦେଖୁଛନ୍ତି ତେବେ କ’ଣ ହୋଇଥାଏ ?

କୌଣସି ମନ୍ଦିରରେ ସାପ ଦେଖିବା :

ସ୍ୱପ୍ନରେ କୌଣସି ମନ୍ଦିରରେ ସାପ ଦେଖିବା ଶୁଭ ବୋଲି ବିବେଚନା କରାଯାଏ । କୁହାଯାଏ ଯେ ଏପରି ସ୍ୱପ୍ନ ଆପଣଙ୍କର ଇଚ୍ଛା ଶୀଘ୍ର ପୂରଣ ହେବାକୁ ସୂଚିତ କରିଥାଏ ।

ଗଛ ଉପରେ ସାପ ଚଢିବା ଦେଖିବା :

ସ୍ୱପ୍ନରେ ଏକ ଗଛ ଉପରକୁ ଚଢୁଥିବା ସାପ ଦେଖିବା ଶୁଭ ବୋଲି ବିବେଚନା କରାଯାଏ। କୁହାଯାଏ ଯେ ଏଭଳି ସ୍ୱପ୍ନ ଜୀବନରେ ପ୍ରଗତି ଏବଂ ସଫଳତାକୁ ସୂଚିତ କରିଥାଏ । ଏପରି ସ୍ୱପ୍ନ ଦେଖୁଥିବା ବ୍ୟକ୍ତିଙ୍କୁ ତାଙ୍କର ଅଟକି ରହିଥିବା ଧନ ମିଳିପାରେ ।

ଶିବ ଲିଙ୍ଗ ଉପରେ ସାପ ଦେଖିବା :

ସ୍ୱପ୍ନରେ ଆପଣ ଶିବ ଲିଙ୍ଗ ଉପରେ ସାପ ଦେଖିଲେ ବୁଝି ଯିବେ ଯେ ଆପଣଙ୍କ ଉପରେ ଶିବଙ୍କର କୃପା ରହିଛି ।

ଧଳା, ସୁବର୍ଣ୍ଣ ଏବଂ ଉଜ୍ୱଳ ସାପ ଦେଖିବା :

ସ୍ୱପ୍ନରେ ସୁବର୍ଣ୍ଣ କିମ୍ବା ଉଜ୍ଜ୍ୱଳ ସାପ ଦେଖିବା ଭାଗ୍ୟ ଖୋଲିବାକୁ ସୂଚିତ କରିଥାଏ । ଆପଣଙ୍କ ସମସ୍ୟା ଦୂର ହୋଇ ଜୀବନରେ ସୁଖ-ସମୃଦ୍ଧି ଆସିଥାଏ ।

ସ୍ୱପ୍ନରେ ବାରମ୍ବାର ସାପ ଦେଖିବା :

ଯଦି କେହି ସ୍ୱପ୍ନରେ ସାପକୁ ବାରମ୍ବାର ଦେଖନ୍ତି, ତେବେ ଏହାର ଅର୍ଥ ଯେ ରାଶିରେ ସର୍ପ ଦୋଷ ରହିଛି । ଏହା ବ୍ୟତୀତ ସ୍ୱପ୍ନରେ ଏକ ସାପ ପାଣିରେ ପହଁରୁଥିବାର ଦେଖିବା ମଧ୍ୟ କାଳ ସର୍ପ ଯୋଗକୁ ସୂଚିତ କରିଥାଏ  ବୋଲି କୁହାଯାଏ ।