ହ୍ୱାଟ୍ସଆପ୍ ଓ୍ୱେବରେ ଆସୁଛି ନୂଆ ଫିଚର, କରିପାରିବେ ଭଏସ୍ ଓ ଭିଡିଓ କଲ୍
1 min read
ନୂଆଦିଲ୍ଲୀ: ଲୋକପ୍ରିୟ ମେସେଜିଂ ଆପ୍ ହ୍ୱାଟ୍ସଆପ୍ ଓ୍ୱେବରେ ଆସନ୍ତା ବର୍ଷ ଭଏସ୍ ଏବଂ ଭିଡିଓ କଲିଂ ସୁବିଧା ଉପଲବ୍ଧ ହେବ । ଏନେଇ କମ୍ପାନୀର ଜଣେ ମୁଖପାତ୍ର ନ୍ୟୁଜ୍ ଏଜେନ୍ସି ରଏଟର୍ସକୁ ସୂଚନା ଦେଇଛନ୍ତି। ଅନେକ ଦିନରୁ ହ୍ୱାଟ୍ସଆପ୍ ଓ୍ୱେବ ତଥା ହ୍ୱାଟ୍ସଆପର ଡେସ୍କଟପ୍ ଭର୍ସନରେ ଭଏସ୍ ଏବଂ ଭିଡିଓ କଲିଂ ସୁବିଧା ମିଳିବ ବୋଲି ଚର୍ଚ୍ଚା ହେଉଥିଲା ।
ହ୍ୱାଟ୍ସଆପ୍ ଓ୍ୱେବରେ ଭଏସ୍ ଓ ଭିଡିଓ କଲିଂ ଫିଚର ଆସିବା ପରେ ଭିଡିଓ କନଫରେନ୍ସିଂ ଆପ୍ ଜୁମ୍ ଓ ଗୁଗୁଲ୍ ମିଟକୁ କଡା ଟକ୍କର ଦେବ ।
ସାରା ଦୁନିଆରେ ୨ ବିଲିୟନରୁ ଅଧିକ ଲୋକ ହ୍ୱାଟ୍ସଆପ୍ ବ୍ୟବହାର କରୁଛନ୍ତି। ହ୍ୱାଟ୍ସଆପ୍ ପକ୍ଷରୁ ଜାରି ସୂଚନାନୁଯାୟୀ ଟ୍ରାଏଲ୍ ଭିତ୍ତିରେ ଛୁଟିଦିନରେ କିଛି ଡେସ୍କଟପ୍ ବ୍ୟବହାରକାରୀଙ୍କ ପାଇଁ ଏହି ଫିଚର ଜାରି କରାଯାଇଥିଲା । ଏହି ସୂଚନା ପ୍ରଥମେ ଟେକ୍ ବ୍ଲଗ୍ WABetaInfo ଦ୍ୱାରା ଦିଆଯାଇଥିଲା
