ପରବର୍ତ୍ତୀ ସିଆଇଏ ମୁଖ୍ଯ ହୋଇପାରନ୍ତି କାଶ୍ଯପ ପଟେଲ !

ନନ୍ଦିଘୋଷ ବ୍ୟୁରୋ : ଆମେରିକାରେ ଟ୍ରମ୍ପ ରାଜ୍। ଜାନୁଆରୀରୁ ଚାଲିବ ରିପବ୍ଲିକାନ ଡୋନାଲଡ ଟ୍ରମ୍ପଙ୍କ ଶାସନ। ତେବେ ବିଶ୍ବର ସବୁଠାରୁ ଶକ୍ତିଶାଳୀ ଗୁଇନ୍ଦା ସଂସ୍ଥା ସିଆଇଏର ମୁଖ୍ଯଙ୍କୁ ନେଇ ଏବେ ଚାଲିଛି ଅଙ୍କକଷା। କିଏ ହେବେ ପରବର୍ତ୍ତୀ ସିଆଇଏ ମୁଖ୍ଯ ତାହାକୁ ନେଇ ଚାଲିଛି ଆଲୋଚନା। ନିର୍ବାଚନରେ ଉପରାଷ୍ଟ୍ରପତି ଜେଡି ଭାସ ବିଜୟୀ ହୋଇଛନ୍ତି। ତାଙ୍କ ପତ୍ନୀ ଉଷା ଚିଲୁକୁରି ଭାରତୀୟ।

ସେପଟେ ସିଆଇଏର ପରବର୍ତ୍ତୀ ନିର୍ଦ୍ଦେଶକ ବି ଜଣେ ଭାରତୀୟ ବଂଶୋଦ୍ଭବ ହେବା ନେଇ ଚର୍ଚ୍ଚା ଜୋର ଧରିଛି। ସେ ହେଉଛନ୍ତି କାଶ୍ଯପ କାସ ପଟେଲ। ସେ ଜଣେ ଟ୍ରମ୍ପ ସମର୍ଥକ। ଟ୍ରମ୍ପଙ୍କ ପ୍ରଥମ ପାଳିରେ ସେ ପ୍ରତିରକ୍ଷା, ଗୁଇନ୍ଦା ବିଭାଗ ସମେତ ବିଭିନ୍ନ ଗୁରୁତ୍ବପୂର୍ଣ୍ଣ ବିଭାଗର ପଦବୀ ସମ୍ଭାଳିଥିଲେ। ଟ୍ରମ୍ପଙ୍କ ଦ୍ବିତୀୟ ପାଳିରେ ବି ସେ ପ୍ରଚାରରେ ସାମିଲ ହୋଇଥିଲେ। ସେ ପୂର୍ବତନ ଚିଫ ଅଫ ଷ୍ଟାଫ ବି ଥିଲେ। ତାଙ୍କ ଜନ୍ମ ୧୯୮୦ରେ ନ୍ୟୁୟର୍କର ହୋଇଥିଲା। ତାଙ୍କ ବାପା ମା ପୂର୍ବ ଆଫ୍ରିକୀୟ ହୋଇଥିଲେ ବି ସେମାନେ ଗୁଜରାଟ ଭଦୋଦରାର ମୂଳବାସିନ୍ଦା।