ନୂଆଦିଲ୍ଲୀ: ଯେତେବେଳେ କୌଣସି ଫ୍ଳୁ କିମ୍ବା ଭାଇରାଲ ଇନ୍ଫେକ୍ସନ୍ ହେଲେ ଛୋଟ ଶିଶୁଙ୍କୁ ଅଧିକ ବିପଦ ଥାଏ । କେବଳ ଯେ ଛୋଟ ଛୁଆ ଅସୁସ୍ଥ ହୁଅନ୍ତି ତା ନୁହେଁ । ଭାଇରସ୍ ଦ୍ୱାରା ପରିବାରରୁ ଗୋଷ୍ଠୀ ସବୁଠି ସଂକ୍ରମଣ ବ୍ୟାପେ । କିନ୍ତୁ, ବିଶ୍ୱସ୍ତରରେ ଅଧ୍ୟୟନରୁ ଜଣାପଡ଼ିଛି ମହାମାରୀ କରୋନା ପିଲାମାନଙ୍କ ଠାରେ ଖରାପ ଗୁଣକୁ ବନ୍ଦ କରି ଦେଉଛି । ଏବଂ ସେମାନଙ୍କ କରୋନାର କୌଣସି ଲକ୍ଷଣ ଦେଖାଯାଉନାହିଁ । ଏପରିକି ଏହା ଦ୍ୱାରା ଭାଇରସ୍ ଶକ୍ତିଶାଳୀ ହେଉଥିବା ବୈଜ୍ଞାନିକମାନେ ଦାବି କରିଛନ୍ତି ।
ଚୀନର ବୁହାନରୁ ପ୍ରଥମେ କରୋନା ସଂକ୍ରମଣ ହୋଇ ଦୁନିଆରେ ବ୍ୟାପିଥିଲା । ଚୀନରେ ୨ ହଜାର ୧୪୩ ଜଣ ଶିଶୁଙ୍କୁ ନେଇ ଏକ ଅଧ୍ୟୟନ କରାଯାଇଥିଲା । ଯେଉଁଥିରେ ୭୩୧ ଜଣ କରୋନା ସଂକ୍ରମିତ ଶିଶୁଥିବା ବେଳେ ଅବଶିଷ୍ଟ କରୋନା ସନ୍ଦିଗ୍ଧ ଥିଲେ । ଯେଉଁମାନଙ୍କ ମଧ୍ୟରୁ ୯୦ ପ୍ରତିଶତଙ୍କ ଠାରେ କରୋନାର କୌଣସି ଲକ୍ଷଣ ନଥିଲା କିମ୍ବା କାଶ, ଜ୍ୱର ଭଲି ସ୍ୱଳ୍ପ ଲକ୍ଷଣ ଦେଖା ଯାଉଥିଲା ।
ଆମେରିକାର ସେଣ୍ଟର୍ସ ଫର୍ ଡିଜିଜ୍ କଣ୍ଟ୍ରୋଲ ତଥ୍ୟ ଅନୁସାରେ, ଏପ୍ରିଲ ୨୦୨୦ରେ ଆମେରିକାରେ ୧.୭ ପ୍ରତିଶତ କରୋନା ସଂକ୍ରମିତ ମାମଲା ୧୮ ବର୍ଷରୁ କମ୍ ବୟସ୍କଙ୍କ ଠାରେ ଦେଖା ଯାଇଥିଲା । ସେଥିରୁ ମାତ୍ର ୩ ଜଣ ଶିଶୁଙ୍କ ମୃତ୍ୟୁ ହୋଇଥିବା ତଥ୍ୟ କହୁଛି । ଇଟାଲୀରେ କରାଯାଇଥିବା ଅଧ୍ୟୟନ ମଧ୍ୟ ସମାନ କଥା ଦର୍ଶାଉଛି ।
ତେବେ, କରୋନା ଭାଇରସର ଦୀର୍ଘ ପ୍ରଭାବ ଶିଶୁମାନଙ୍କ ଠାରେ କଣ ରହିବ ? ଯେଉଁମାନଙ୍କ ଠାରେ କରୋନାର କୌଣସି ଲକ୍ଷଣ ନାହିଁ ଓ ସେମାନେ ସଂକ୍ରମିତ ହୋଇଛନ୍ତି । ଭାଇରସ ସେମାନଙ୍କୁ ଅତ୍ୟଧିକ ଭାବେ ପ୍ରଭାବିତ କରିବ କି ? ବିଶ୍ୱ ସ୍ୱାସ୍ଥ୍ୟ ସଂଗଠନ ବା WHOର ଅନୁଧ୍ୟାନକାରୀ ମଧ୍ୟ ଅଧ୍ୟୟନରୁ ଠୋସ୍ ତଥ୍ୟ ପାଇନାହାଁନ୍ତି ।
ଅଧିକାଂଶ ଶିଶୁ ସଂକ୍ରମିତ ହେବା ପରେ କରୋନାରୁ ସୁସ୍ଥ ହୋଇଛନ୍ତି । କେତକ ନିର୍ଦ୍ଦିଷ୍ଟ କେସରେ ସ୍ୱାସ୍ଥ୍ୟାବସ୍ଥା ଗୁରୁତର ହୋଇଛି । ଯାହାକୁ ମଲ୍ଟିସିଷ୍ଟମ ଇନଫ୍ଲାମାଟୋରି ସିଣ୍ଡ୍ରମ୍ (MIS-C) କୁହାଯାଏ । ଏହା ହୃଦୟ, ଫୁସଫୁସ୍ ଓ ଅନ୍ୟ ଅଙ୍ଗକୁ ପ୍ରଭାବିତ କରେ । ଅନେକ ସମୟରେ ଆକ୍ରାନ୍ତ ଶିଶୁ ମଧ୍ୟ ସୁସ୍ଥ ହୋଇଛନ୍ତି ।
