ଫିନଲ୍ୟାଣ୍ଡବାସୀ କାହିଁକି ସବୁଠୁ ଅଧିକ ଖୁସି, ଜାଣନ୍ତୁ ୧୦ ସ୍ୱତନ୍ତ୍ରତା…

ଭୁବନେଶ୍ୱର: ପ୍ରକାଶିତ ହୋଇଛି ୱାର୍ଲ୍ଡ ହ୍ୟାପିନେସ୍ ରିପୋର୍ଟ-୨୦୨୧ । କରୋନାର ବର୍ଷ ୨୦୨୦ରେ ବି ବେଶ୍ ଖୁସି ଅଛନ୍ତି ଅନେକ ଦେଶ । ମହାମାରୀର ମାଡ଼ରେ ଅନେକ ଦେଶର ଅବସ୍ଥା ଘାଇଲା ହୋଇ ଯାଇଥିବା ବେଳେ ଭୁଶୁଡ଼ି ପଡ଼ିଛି ଅର୍ଥନୀତି ତଥାପି ଦେଶବାସୀ ଖୁସି । ଲଗାତାର ଚତୁର୍ଥଥର ପାଇଁ ଫିନଲ୍ୟାଣ୍ଡ ଦୁନିଆର ଖୁସି ଦେଶ ଭାବେ ଉଭା ହୋଇଛି । ଏର୍ଥାତ୍ ବିଶ୍ୱର ଅନ୍ୟ ପ୍ରାନ୍ତ ଅପେକ୍ଷା ଫିନଲ୍ୟାଣ୍ଡବାସୀ ବେଶି ଖୁସି । ଏପରିକି ଚୀନ୍ ଓ ଆମେରିକା ଭଳି ଶକ୍ତିଶାଳୀ ଦେଶ ମଧ୍ୟ ଖୁସି ମନରେ ଫିନଲ୍ୟାଣ୍ଡ ଠାରୁ ପଛୁଆ । ତେବେ, ଫିନଲ୍ୟାଣ୍ଡବାସୀଙ୍କ ଖୁସିର ରାଜ କ’ଣ ? ଆସନ୍ତୁ ଜାଣିବା…

ସ୍ୱତନ୍ତ୍ରତା: ଫିନଲ୍ୟାଣ୍ଡର ପ୍ରତିଟି ଗଳିରେ ରହୁଥିବା ଲୋକ ହସ ଓ ଖୁସିରେ ଜୀବନ ବିତାନ୍ତି । ଏଠାକାର ଲୋକ ବେଶ୍ ଭଦ୍ର ଏବଂ ଯାହାର ବହୁତ ଫାଇଦା ମିଳେ । ଏଥିସହ ଏଠି ଲୋକ ଯାହା ଚାହାନ୍ତି ତାହା କରିବାକୁ ସମ୍ପୂର୍ଣ୍ଣ ସ୍ୱାଧୀନତା ଅଛି । କେହି ବି ଅନ୍ୟ କାହାର ଜୀବନରେ ବିଲକୁଲ୍ ହସ୍ତକ୍ଷେପ କରନ୍ତି ନାହିଁ ।

ଖୁସି ରହିବା: ଫିନଲ୍ୟାଣ୍ଡର ଲୋକ ଖୁସି, ଶାନ୍ତି ଓ ସନ୍ତୁଷ୍ଟ ଉପରେ ନିର୍ଭର କରନ୍ତି । ଏଠାକାର ଲୋକ ଖୁସି ହେଉଥିବା ଦେଖେଇ ହୁଅନ୍ତୁ ନାହିଁ ବରଂ ନିଜେ ଖୁସି ରହିବାର କଳାକୁ ବୁଝି ପାରିଛନ୍ତି ।

ଆୟ: ଏଠାକାର ଲୋକଙ୍କ ଆୟରେ ବିଶେଷ ଅନ୍ତର ନାହିଁ । ଅର୍ଥାତ୍ ଫିନଲ୍ୟାଣ୍ଡରେ ରହୁଥିବା ଲୋକଙ୍କ ଆୟ ପ୍ରାୟ ସମାନ । ସାମାଜିକ ସୁରକ୍ଷା ଉନ୍ନତଧରଣର ହୋଇଥିବା ବେଳେ ଶିକ୍ଷା ବ୍ୟବସ୍ଥା ପୂରା ବିଶ୍ୱରେ ପ୍ରସିଦ୍ଧ । ଏଠାରେ ସମସ୍ତେ ବିଦ୍ୟାଳୟ ଯାଆନ୍ତି ଏବଂ ସମସ୍ତଙ୍କୁ ସମାନ ଶିକ୍ଷାର ଅଧିକାର ରହିଛି ।

ଅଭିଯୋଗଠୁ ଦୂରରେ: ଫିନଲ୍ୟାଣ୍ଡବାସୀଙ୍କ ଏକ ଭଲ ଗୁଣ ହେଉଛି ଏଠାକାର ଲୋକ ଛୋଟ ଛୋଟ କଥାରେ ଅଭିଯୋଗ କରିବା ଠାରୁ ଦୂରେଇ ରୁହନ୍ତି । ଅନ୍ୟକୁ ଅଭିଯୋଗ କରିବା ପରିବର୍ତ୍ତେ ଅନ୍ୟର ଅସୁବିଧାକୁ ବୁଝିବାକୁ ଚେଷ୍ଟା କରନ୍ତି ।

ମିଛ କୁହନ୍ତିନି: ଏଠାକାର ଲୋକ ଖୁସି ମନର ହୋଇଥିବା ବେଳେ ଟିକିଏ ଅଜବ । ଅଜଣା ଲୋକଙ୍କ ସହ ଏମାନେ ଅଧିକ କଥାବାର୍ତ୍ତା କରନ୍ତି ନାହିଁ । ଲୋକ ସମୟକୁ ନେଇ ବେଶ୍ ସଚେତନ ଥିବାବେଳେ ମିଛ କୁହନ୍ତି ନାହିଁ ।

ଜନ୍ମରୁ ସମାନ ଅଧିକାର: ଫିନଲାଣ୍ଡରେ ଜନ୍ମ ହେଉ ହେଉ ସମାନ ଅଧିକାର ଦିଆଯାଇଥାଏ । ଶିକ୍ଷା ବ୍ୟବସ୍ଥା ଦୃଢ଼ ଥିବାବେଳେ ବିଶ୍ୱବିଦ୍ୟାଳୟରେ ପଢ଼ିବା ମାଗଣା ଅଟେ । ଦେଶରେ ଅଳ୍ପ କିଛି ଘରୋଇ ଶିକ୍ଷାନୁଷ୍ଠାନ ଥିବା ବେଳେ ସମସ୍ତେ ବେଶ୍ ଶିକ୍ଷିତ ଅଟନ୍ତି ।

ଲୋକ ସାହାଯ୍ୟକାରୀ: ଫିନଲ୍ୟାଣ୍ଡରେ ୱେଲଫେୟାର ସିଷ୍ଟମ ବେଶ୍ ମଜଭୁତ୍ । ଏଠାକାର ଲୋକଙ୍କ ଜୀବନଯାପନ ଶୈଳୀ ଉନ୍ନତ ମଧ୍ୟ । ୱାର୍ଲ୍ଡ ହ୍ୟାପିନେସ୍ ରିପୋର୍ଟ-୨୦୨୧ରେ ଫିନଲ୍ୟାଣ୍ଡର ଜନ କଲ୍ୟାଣକାରୀ ମନୋଭାବ ଏହାକୁ ଖୁସି ମିଜାଜ ଦେଶ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଛି ।

ସ୍ୱାସ୍ଥ୍ୟ ବ୍ୟବସ୍ଥା: ଫିନଲ୍ୟାଣ୍ଡରେ ସମସ୍ତ ଲୋକଙ୍କ ପାଖରେ ମାଗଣା ସ୍ୱାସ୍ଥ୍ୟସେବା ପାଇବାର ଅଧିକାର ରହିଛି । ଫଳରେ ଲୋକ ସ୍ୱାସ୍ଥ୍ୟକୁ ନେଇ କେବେ ଚିନ୍ତା କରିନଥାନ୍ତି ।

ବ୍ୟକ୍ତିଗତ ଜୀବନ: ଏଠାକାର ଲୋକ ପଢ଼ିବା-ଲେଖିବାକୁ ନେଇ ବେଶ୍ ସୌଖିନ । ସମୟ ବାହାର କରି ଭଲ ବହି ପଢ଼ିବା ସହିତ ପରିବାର ସହିତ ଅଧିକ ସମୟ ବିତାଇବା ଲାଗି ପସନ୍ଦ କରିଥାନ୍ତି ।

ମଦ: ଫିନଲ୍ୟାଣ୍ଡର ଲୋକ ଖୁସି ମାହୋଲରେ ମଦ ପିଇବାକୁ ଭୁଲି ନଥାନ୍ତି । ଖୁସିର ମାହୋଲକୁ ଆଉ ଟିକିଏ ରୋମାଞ୍ଚିତ କରିବା କରିବା ଲାଗି ମଦ ପିଇଥାନ୍ତି ।