ବ୍ୟାରେଜରୁ ଡେଇଁ ପଡିଲେ ଯୁବତୀ, ବର୍ତ୍ତିଗଲା ଜୀବନ

ଅନୁଗୋଳ: କଣିହାଁ ବ୍ଲକ୍ ସମଲ ବ୍ୟାରେଜରୁ ଡେଇଁ ଯୁବତୀଙ୍କ ଆତ୍ମହତ୍ୟା ଉଦ୍ୟମ । ସ୍ଥାନୀୟ ଅଞ୍ଚଳର ଜଣେ ଯୁବତୀ ଆଜି ସମଲ ବ୍ୟାରେଜର ୨୪ ନମ୍ବର ଗେଟ ପାଖରେ ବ୍ୟାରେଜକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ । କିନ୍ତୁ ସୌଭାଗ୍ୟବଶତଃ ତାଙ୍କ ଜୀବନ ବଞ୍ଚିଯାଇଛି ।

ଯୁବତୀ ଜଣକ ଡେଇଁବା ପରେ ନିକଟରେ ଥିବା ପ୍ରତ୍ୟକ୍ଷଦର୍ଶୀ ଏନେଇ ବ୍ୟାରେଜ୍ କର୍ତ୍ତୃପକ୍ଷଙ୍କୁ ଜଣାଇଥିଲେ । କର୍ତ୍ତୃପକ୍ଷ ତୁରନ୍ତ ବ୍ୟାରେଜ୍ ଗେଟ୍ ବନ୍ଦ କରିଦେବାରୁ ଯୁବତୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଯୁବତୀଙ୍କୁ ଉଦ୍ଧାର କରାଯିବା ପରେ ସେ ଏବେ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି । ଯୁବତୀ ଜଣଙ୍କ କାହିଁକି ଆତ୍ମହତ୍ୟା ଉଦ୍ୟମ କଲେ ତା’ର କାରଣ ଜଣାପଡିନାହିଁ ।