ନୂଆଦିଲ୍ଲୀ ରେଳ ଷ୍ଟେସନରେ ଅଘଟଣ, ବିଦ୍ୟୁତ୍ ଆଘାତ ଲାଗି ମହିଳାଙ୍କ ମୃତ୍ୟୁ

ନୂଆଦିଲ୍ଲୀ: ନୂଆଦିଲ୍ଲୀ ରେଳ ଷ୍ଟେସନରେ ଅଘଟଣ । ବିଦ୍ୟୁତ୍ ଆଘାତ ଲାଗି ମହିଳାଙ୍କ ମୃତ୍ୟୁ । ମୃତ ମହିଳା ଇଷ୍ଟ ଦିଲ୍ଲୀର ସାକ୍ଷୀ ଆହୁଜା । ରାଜଧାନୀରେ ମୌସୁମୀ ଜନିତ ବର୍ଷା ଯୋଗୁ ରେଳ ଷ୍ଟେସନ ନିକଟରେ ବର୍ଷା ପାଣି ଜମି ରହିଥିଲା । ରାସ୍ତାରେ ଜମି ରହିଥିବା ପାଣିରେ ନପଶିବା ପାଇଁ ସାକ୍ଷୀ ଏକ ଇଲେକ୍ଟ୍ରି ପୋଲକୁ ଧରିପକାଇବା ଯୋଗୁ ସେ ବିଦ୍ୟୁତ୍ ସଂସ୍ପର୍ଶରେ ଆସିଥିଲେ । ଭୋପାଳ ଯାଉଥିବା ଶତାବ୍ଦୀ ଟ୍ରେନରେ ଯିବା ପାଇଁ ସାଢ଼େ ୫ଟା ବେଳେ ଅନ୍ୟ ଜଣେ ମହିଳା ଓ ତିନି ଜଣ ପିଲାଙ୍କ ସହ ନୂଆ ଦିଲ୍ଲୀ ରେଳଷ୍ଟେନକୁ ଆସିଥିଲେ । ପୋଲିସ ଓ ଫରେନସିକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଇଲେକ୍ଟ୍ରିକ ଖୁଣ୍ଟର ଉପର ଭାଗରେ ତାରଗୁଡ଼ିକ ଖୋଲା ପଡ଼ିଥିବାରୁ ଦୁର୍ଘଟଣା ଘଟିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି ବୋଲି ପୋଲିସ କହିଛି ।