କେନ୍ଦ୍ରାପଡା: ଭଡ଼ା ଘରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର। ହତ୍ୟା ଅଭିଯୋଗ ଆଣିଲେ ପରିବାର ଲୋକେ। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଡେରାବିଶ ବ୍ଲକରେ। ସୂଚନା ମୁତାବକ ଡେରାବିଶ ଥାନା ଅନ୍ତର୍ଗତ ଓଲଡି ଗାଁର ଶମ୍ଭୁନାଥ ବେହେରା ଧର୍ମଶାଳା ଥାନା ଜାରକା ଦେଉଳି ଗାଁର ରଶ୍ମିତା ମଳିକଙ୍କୁ ପ୍ରେମ ବିବାହ କରିଥିଲେ। ଉଭୟ ପତି ଓ ପତ୍ନୀ ଓଲଡି ଅଞ୍ଚଳରେ ଏକ ଭଡ଼ା ଘରେ ରହୁଥିଲେ। ତେବେ ରଶ୍ମିତାଙ୍କୁ ସ୍ଵାମୀ ଯୌତୁକ ନିର୍ଯ୍ଯାତନା ଦେଉଥିବା ନେଇ ସେ ଘର ଲୋକଙ୍କୁ ଜଣାଇଥିଲେ। ମଙ୍ଗଳବାର ଝିଅ ମରିଯିବା କଥା ଶୁଣିବା ପରେ ପରିବାର ଲୋକ ଘଟଣାସ୍ଥଳରେ ପହଞ୍ଚିବା ପରେ ଝିଅର ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ। ପରେ ଥାନାରେ ଜ୍ଵାଇଁ ଶମ୍ଭୁନାଥ ବେହେରାଙ୍କ ନାମରେ ହତ୍ୟା ଅଭିଯୋଗ କରିଥିଲେ ରଶ୍ମିତାଙ୍କ ବାପା। ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ବ୍ଯବିଛେଦ ପାଇଁ ପଠାଇବା ସହ ଅଭିଯୁକ୍ତ ସ୍ଵାମୀକୁ ଅଟକ ରଖି ପଚରାଉଚରା କରୁଛି ପୋଲିସ।
