ଦିଲ୍ଲୀରେ ୧୯୭୮ର ପୁନରାବୃତ୍ତି ହେବ କି ? ଯମୁନାର ଭୟଙ୍କର ରୂପକୁ ନେଇ ଆଲର୍ଟ !

ନନ୍ଦିଘୋଷ ବ୍ୟୁରୋ: ସାରା ଦେଶରେ ବର୍ଷାର ତାଣ୍ଡବ ଥିବା ବେଳେ ରାଜଧାନୀ ଦିଲ୍ଲୀରେ ଜଳ ବିତ୍ପାତ । ଦିଲ୍ଲୀରୁ ଜମ୍ମୁ କାଶ୍ମୀର ପର୍ଯ୍ୟନ୍ତ ବାଦଲ ଫଟା ବର୍ଷା । ଲଗାତାର ବର୍ଷା ଯୋଗୁଁ ଯମୁନା ନଦୀର ଜଳ ପତ୍ତନ ୨୦୭. ୪୨ ମିଟରକୁ ବୃଦ୍ଧି ପାଇବା ଫଳରେ ସହରରେ ନାହିଁ ନଥିବା ସ୍ଥିତି ସୃଷ୍ଟି ହୋଇଛି। । ଯାହା ବିପଦ ସଙ୍କେତ ଉପରେ ପ୍ରବାହିତ ହେଉଛି । ବିଭିନ୍ନ ଆବାସିକ ଓ ବ୍ୟାବସାୟିକ ଅଞ୍ଚଳ ଜଳମଗ୍ନ ହୋଇଛି। ବିଭିନ୍ନ ସ୍ଥାନରେ ରେସ୍କ୍ୟୁ ଅପରେସନ ଜାରି ରହିଛି। ୧୯୭୮ ଓ ୨୦୨୩ ପରେ ଏହି ଧରଣର ବଡ଼ ବନ୍ୟା ଆସିଛି।ଏହି ସଂଖ୍ୟା ୧୯୭୮ ମସିହାର ଭୟବହତାକୁ ମନେପକାଇଦେଉଛି । ୧୯୭୮ ମସିହାରେ ଯମୁନାର କରାଳ ରୂପ ଥରାଇଦେଉଛି । ସେତେବେଳେ ମଧ୍ୟ ଯମୁନାର ଜଳସ୍ତରର ରେକର୍ଡ ପାଖାପାଖି ୨୦୭.୪୯ ପାଖାପାଖି ଥିଲା। ଆଜି ମଧ୍ୟ ଦିଲ୍ଲୀରେ ଝଡ଼ବର୍ଷା ଲାଗିରହିଛି । ୯ ସେପ୍ଟେମ୍ବର ପର୍ଯ୍ୟନ୍ତ ବର୍ଷା ଲାଗି ରହିବ ବୋଲି ଦିଲ୍ଲୀକୁ ସତର୍କ କରାଇଛନ୍ତି ପାଣିପାଗ ବିଶେଷଜ୍ଞ । ତେବେ ଦିଲ୍ଲୀରେ ରହୁଥିବା ବୟସ୍କ ଲୋକମାନେ ୧୯୭୮ ମସିହାକୁ ମନେ ପକାଇ କହିଛନ୍ତି ଯେ ସେତେବେଳେ ମଧ୍ୟ ଯମୁନା ସମାନ ଭୟଙ୍କର ରୂପ ନେଇଥିଲା। ରାସ୍ତାରେ ପାଣି ପ୍ରବାହିତ ହେଉଥିଲା। ସମଗ୍ର ଦିଲ୍ଲୀ ଜଳମଗ୍ନ ହୋଇଯାଇଥିଲା। ଲୋକଙ୍କୁ ଘର ଛାଡିବାକୁ ପଡିଥିଲା।

ଗତ କିଛି ଦିନ ଧରି ଉତ୍ତର ପ୍ରଦେଶରେ ଲଗାତାର ବର୍ଷା ହେଉଛି । ପାଣିପାଗ ବିଭାଗ ଅନୁଯାୟୀ ରାଜ୍ୟରେ ସେପ୍ଟେମ୍ବର ୭ ପର୍ଯ୍ୟନ୍ତ ବର୍ଷା ଜାରି ରହିବ। ଆଜି ପଶ୍ଚିମ ଏବଂ ପୂର୍ବ ଭାଗର କିଛି ସ୍ଥାନରେ ଘଡ଼ଘଡ଼ି ସହିତ ହାଲୁକାରୁ ମଧ୍ୟମ ବର୍ଷା ହୋଇପାରେ। ଆଜି ବିହାରର କିଛି ଜିଲ୍ଲାରେ ହାଲୁକା ବର୍ଷା ହୋଇପାରେ। ଆଜି ପାଣିପାଗ ବିଭାଗ ପଶ୍ଚିମ ଚମ୍ପାରଣ, ସିୱାନ, ବେଗୁସରାଇ, ପାଟନା, ଗୟାଜୀ, ଔରଙ୍ଗାବାଦ ଏବଂ କୈମୁର ସମେତ ୧୯ଟି ଜିଲ୍ଲାରେ ହାଲୁକାରୁ ମଧ୍ୟମ ବର୍ଷା ହେବାର ପୂର୍ବାନୁମାନ କରିଛି, ଯେତେବେଳେ ବାକି ୧୯ଟି ଜିଲ୍ଲାରେ ବହୁତ ହାଲୁକା ବର୍ଷା ହୋଇପାରେ। ଆସନ୍ତାକାଲି ପର୍ଯ୍ୟନ୍ତ ଅନେକ ସ୍ଥାନରେ ପ୍ରବଳ ବର୍ଷା ହୋଇପାରେ। ଆଜି ପଶ୍ଚିମ ସିଂହଭୂମି, ଗୁମଲା ଏବଂ ସିମଡେଗା ୩ଟି ଜିଲ୍ଲା ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି। ତିନି ଦିନ ପର୍ଯ୍ୟନ୍ତ ମଧ୍ୟପ୍ରଦେଶରେ ପ୍ରବଳ ବର୍ଷା ନେଇ ଆଲର୍ଟ ଜାରି କରାଯାଇଛି । ପାଣିପାଗ ବିଭାଗ ପକ୍ଷରୁ ଏନେଇ ସତର୍କ ସୂଚନା ଜାରି କରାଯାଇଛି। ଆଗାମୀ ଦୁଇ ଦିନ ପର୍ଯ୍ୟନ୍ତ ରାଜସ୍ଥାନରେ ବର୍ଷା ହୋଇପାରେ। ଏହାସହିତ ପଞ୍ଜାବରେ ବର୍ଷା ନେଇ ପାଣିପାଗ ବିଭାଗ ପୁଣି ଥରେ ସତର୍କତା ଜାରି କରିଛି। ରାଜ୍ୟର ଅନେକ ଜିଲ୍ଲାରେ ପ୍ରବଳ ବର୍ଷା ହୋଇପାରେ। ଏ ନେଇ ରେଡ୍ ଆଲର୍ଟ ଜାରି କରାଯାଇଛି। ପଠାଣକୋଟ ଏବଂ ଗୁରୁଦାସପୁର ଜିଲ୍ଲାରେ ପାଣିପାଗ ବିଭାଗ ଅରେଞ୍ଜ ଆଲର୍ଟ ଜାରି କରିଥିବା ବେଳେ ଜଳନ୍ଧର, ଅମୃତସର, ରୂପନଗର ଏବଂ ଫତେଗଡ଼ ସାହିବ, ନୱାନଶହର, କପୁରଥଲା, ହୋସିଆରପୁର, ଲୁଧିଆନା, ମୋହାଲି ଏବଂ ତରନତାରନରେ ହଳଦିଆ ଆଲର୍ଟ ଜାରି କରାଯାଇଛି।

ପାଣିପାଗ ବିଭାଗ ଆଜି ଉତ୍ତରାଖଣ୍ଡର ୧୩ଟି ଜିଲ୍ଲାରେ ବର୍ଷା ପାଇଁ ୟେଲୋ ଓ୍ବର୍ଣ୍ଣିଂ ଜାରି କରିଛି। ନୈନିତାଲ, ଚମ୍ପୱତ, ବାଗେଶ୍ୱର ଏବଂ ପିଥୋରାଗଡ଼ ଜିଲ୍ଲାରେ ହଳଦିଆ ସତର୍କତା ପରେ ମଧ୍ୟ ଅନେକ ସ୍ଥାନରେ ପ୍ରବଳ ବର୍ଷା ହେଇଛି । ହିମାଚଳ ପ୍ରଦେଶର ଚାରୋଟି ଜିଲ୍ଲା କାଙ୍ଗଡ଼ା, କୁଲୁ, ମାଣ୍ଡି ଏବଂ ସିରମୌରର କିଛି ଅଞ୍ଚଳରେ ଆଜି ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି।