‘ୟେ ରିସ୍ତା କ୍ୟା କେହେଲାତା ହୈ’ର ଅଭିନେତ୍ରୀଙ୍କୁ କରୋନା; ଭେଣ୍ଟିଲେଟରରେ ଭର୍ତ୍ତି
ନୂଆଦିଲ୍ଲୀ: ‘ୟେ ରିସ୍ତା କ୍ୟା କେହେଲାତା ହୈ’ର ଆକ୍ଟ୍ରେସ୍ ଦିବ୍ୟା ଭଟନାଗର କରୋନା ପଜିଟିଭ ଚିହ୍ନଟ ହୋଇଛନ୍ତି ।
ଦିବ୍ୟାଙ୍କ ପରିବାରର ସୂଚନା ଅନୁଯାୟୀ ତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ରହିଥିବାରୁ ତାଙ୍କୁ ଭେଣ୍ଟିଲେଟର ସପୋର୍ଟରେ ରଖାଯାଇଛି । ନିକଟରେ ତାଙ୍କୁ ନିମୋନିଆ ହୋଇଥିଲା ଏବଂ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ନଭେମ୍ବର ୨୬ରେ ହସ୍ପିଟାଲରେ ଆଡମିଟ୍ କରାଯାଇଥିଲା ।
ଦିବ୍ୟାଙ୍କ ଇନଷ୍ଟାଗ୍ରାମ ଆକାଉଣ୍ଟରୁ ତାଙ୍କର ଏକ ପୋଷ୍ଟ ଶେୟାର କରାଯାଇଥିଲା । ଯେଉଁଥିରେ ସେ ମେଡିକାଲ ବେଡରେ ଥିବା ଦେଖିବାକୁ ମିଳିଥିଲା ।
ତାଙ୍କ ମାଆଙ୍କ କହିବାନୁଯାୟୀ ଦିବ୍ୟା ନିଜ ବୈବାହିକ ଜୀବନକୁ ନେଇ ଚିନ୍ତିତ ରହୁଥିଲେ । ସେ ୨୦୧୯ ମସିହା ଡିସେମ୍ବରରେ ବିବାହ କରିଥିବା ବେଳେ ଏବେ ଘରେ ଏକୁଟିଆ ରହୁଥିଲେ ।
ଦିବ୍ୟା ‘ତେରା ୟାର ହୁଁ ମେ’ ସିରିୟଲରେ ସୁଟିଂ କରୁଥିବା ବେଳେ ତାଙ୍କୁ ହସ୍ପିଟାଲ ଅଣାଯାଇଥିଲା । ପରେ ତାଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ବାହାରିଥିଲା । ତାଙ୍କର କରୋନା ପଜିଟିଭ ବାହାରିବା ପରେ ସିରିୟଲର ଅନ୍ୟ ଷ୍ଟାର କାଷ୍ଟ ମାନେ ମଧ୍ୟ ନିଜ ନିଜର ନମୁନା ପରୀକ୍ଷା କରାଇଛନ୍ତି ।
