ଭଞ୍ଜନଗର: ଗଞ୍ଜାମ ଜିଲ୍ଲା ବେଗୁନିଆପଡ଼ା ଥାନା ଉସ୍ତାପଡ଼ା ପଞ୍ଚାୟତରେ କାର୍ଯ୍ୟରତ ଜିଆରଏସ ସୁଶୀଲ କୁମାର ମହାନ୍ତି ହତ୍ୟା ମାମଲା । ପ୍ରେମକୁ କେନ୍ଦ୍ରକରି ଘଟିଥିଲା ନିର୍ମମ ହତ୍ୟାକାଣ୍ଡ । ମୁଖ୍ୟ ଅଭିଯୁକ୍ତ ମନୋଜ କୁମାର ସାହୁକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ପୋଲିସ ସୂଚନା ଅନୁସାରେ ମନୋଜ ଓ ସୁଶୀଲ ଉଭୟ ଜଣେ ମହିଳାଙ୍କୁ ପ୍ରେମ କରୁଥିଲେ ।
ମନୋଜ ଏନେଇ ସୁଶୀଲକୁ ୨ମାସ ତଳେ ତାଗିଦ କରିଥିଲେ । ଗତ ୪ ତାରିଖରେ ମନୋଜ ସଂପୃକ୍ତ ମହିଳାଙ୍କ ଘରକୁ ଯାଇଥିଲେ । ସେଠାରୁ ବାହାରି ଆସିବା ପରେ ସୁଶୀଲ ସେହି ମହିଳାଙ୍କ ଘରକୁ ଯିବାର ମନୋଜ ଦେଖିଥିଲେ । ପରେ ଉତ୍ୟକ୍ତ ହୋଇ ସୁଶୀଲଙ୍କ ସହିତ ଗଣ୍ଡଗୋଳ କରିଥିଲେ ମନୋଜ । ସେଠାରୁ ଉଭୟ ଆସି ଗାଁ ନିକଟରେ ଧସ୍ତାଧସ୍ତି ହୋଇଥିଲେ ।
ପରେ କଟୁରୀରେ ସୁଶୀଲଙ୍କୁ ଆକ୍ରମଣ କରି ହତ୍ୟା କରିଥିଲା ମନୋଜ । ସ୍ବତନ୍ତ୍ର ଟିମ୍ ଗଠନ କରି ପୋଲିସ ଅଭିଯୁକ୍ତକୁ ଗିରଫ କରିବା ସହିତ କୋର୍ଟ ଚାଲାଣ କରିଛି । ହତ୍ୟାରେ ବ୍ୟବହୃତ କଟୁରୀ ଜବତ କରାଯିବା ସହ ରକ୍ତଭିଜା ସାର୍ଟ ଜବତ ହୋଇଛି ।
