ପୋଲିସ ବାବୁ ଲାଞ୍ଚ ନେଲାବେଳେ ମାଡ଼ି ବସିଲା ଭିଜିଲାନ୍ସ

ଭଦ୍ରକ:  ଭିଜିଲାନ୍ସ ପଞ୍ଝାରେ ନାୟକାଣିଡିହି ଥାନା ASI । ବାସୁଦେବପୁର ଆନ୍ଦୁଳା ପଞ୍ଚାୟତ ଖାଣ୍ଟଖୁଆଡ ଗ୍ରାମର ବିଦ୍ୟାଧର ମଳିକଙ୍କ ଠାରୁ ଦୁଇ ହଜାର ଟଙ୍କା ଲାଞ୍ଚ ନେଉଥିବା ବେଳେ ଗିରଫ କଲା ଭିଜିଲାନ୍ସ ବିଭାଗ । ଗୋଟିଏ କେସ ସୁପରଭିଜନରେ ନାମ କାଟିବା ପାଇଁ ଦୁଇ ହଜାର ଟଙ୍କା ଲାଞ୍ଚ ମାଗିଥିଲେ ନାୟକାଣିଡିହି ଥାନାର ASI କୈଳାଶ ଚନ୍ଦ୍ର ଖୁଣ୍ଟିଆ ।

ଏନେଇ ବିଦ୍ୟାଧର ଭିଜିଲାନ୍ସରେ ଅଭିଯୋଗ କରିଥିଲେ । ପ୍ଲାନ ଅନୁଯାୟୀ ସନ୍ଧ୍ୟାରେ ଟଙ୍କା ନେବା ସମୟରେ କୌଳାଶଙ୍କୁ ଭିଜିଲାନ୍ସ ଗିରଫ କରିଛି । ପୂର୍ବ ପ୍ରସ୍ତୁତି ଅନୁଯାୟୀ ଭିଜିଲାନ୍ସ ବିଭାଗର କର୍ମଚାରୀ ଏହି ସମୟରେ ପ୍ରସ୍ତୁତ ରହିଥିଲେ  । ଏବଂ ଯେଉଁ ସମୟରେ ASI ଜଣଙ୍କ ଲାଞ୍ଚ ନେଇଥିଲେ, ସେହି ସମୟରେ ମାଡ଼ି ବସିଥିଲେ  । ଅର୍ଥାତ ରେଡ ହ୍ୟାଣ୍ଡେଡ ଜବତ କରିଥିଲେ ଟଙ୍କା  ।