ଛତିଶଗଡ଼ରେ କରୋନା, ଓଡ଼ିଶା ଛାନିଆ; ଗଞ୍ଜାମରେ କରୋନା ଚିହ୍ନଟ କଥା ଗୁଜବ
ଗଞ୍ଜାମ: ଛତିଶଗଡ଼ରେ କରୋନା ସଂକ୍ରମଣ ଓଡ଼ିଶାକୁ ଛାନିଆ କରିଛି । ଏନେଇ ରାଜ୍ୟରେ ଆଗୁଆ ପଦକ୍ଷେପ ନିଆଯାଉଥିବା ବେଳେ ଗଞ୍ଜାମ ଜିଲ୍ଲାରେ ଉଠିଛି ଲକଡାଉନ୍ ଗୁଜବ । କରୋନା ସଂକ୍ରମଣ ବଢୁଥିବା ଶୁଣି ଗଞ୍ଜାମରେ ଲକଡାଉନ୍ ହୋଇଥିବା କିଛି ଲୋକ ଗୁଜବ କରୁଛନ୍ତି । ଏହା ସମ୍ପୂର୍ଣ୍ଣ ଭିତ୍ତିହୀନ ବୋଲି ଟ୍ୱିଟ୍ କରି ସୂଚନା ଦେଇଛନ୍ତି ଗଞ୍ଜାମ ଜିଲ୍ଲାପାଳ ।
କୋଭିଡ୍ ସଂକ୍ରମଣରୁ ରକ୍ଷା ପାଇବା ପାଇଁ ଆମକୁ ସତର୍କ ରହିବାକୁ ପଡିବ ଏବଂ ସାମାଜିକ ଦୂରତା ନୀତି ଅବଲମ୍ବନ କରିବାକୁ ପଡିବ । ଯଦି କୌଣସି ବ୍ୟକ୍ତିଙ୍କ ପାଖରେ ଲକ୍ଷଣ ଦେଖାଦିଏ ତେବେ ତୁରନ୍ତ ନିକଟସ୍ଥ ସ୍ୱାସ୍ଥ୍ୟ କେନ୍ଦ୍ରକୁ ଜଣାନ୍ତୁ । ଲକ୍ଷଣ ଅନୁଯାୟୀ ପରୀକ୍ଷା କରାଯିବ । ଭୟଭୀତ ହେବାର ଆବଶ୍ୟକତା ନାହିଁ, କିନ୍ତୁ ସଚେତନ ରୁହନ୍ତୁ ବୋଲି ଟ୍ୱିଟ୍ ଯୋଗେ ସୂଚନା ଦେଲେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ।
