ଦେଶ ପାଇଁ ଗୌରବ ଆଣିଲେ ଓଡ଼ିଆ ଝିଅ ସ୍ନେହାଶ୍ରୀ

ଭୁବନେଶ୍ୱର: ଦେଶପାଇଁ ଗୌରବ ଆଣିଲେ ଓଡିଆ ଝିଅ ସ୍ନେହାଶ୍ରୀ । ଡିଭା ମିସ୍ ଇଣ୍ଡିଆ ୨୦୨୧ ମୁକୁଟ ପିନ୍ଧିଲେ ଓଡ଼ିଆ ଝିଅ ସ୍ନେହାଶ୍ରୀ । ହରିଦ୍ୱାରରେ ଆୟୋଜିତ ହୋଇଥିବା ଜାତୀୟସ୍ତରୀୟ “ଡିଭା ମିସ୍ ଇଣ୍ଡିଆ ୨୦୨୧” ରେ ୩୮ ଜଣ ପ୍ରତିଯୋଗିଙ୍କୁ ପଛରେ ପକାଇ ବିଜୟୀ ହୋଇଛନ୍ତି ସ୍ନେହାଶ୍ରୀ । ଏହି ସୁନ୍ଦରୀ ପ୍ରତିଯୋଗିତାରେ ସ୍ନେହାଶ୍ରୀ ଓଡିଶାରୁ ଏକମାତ୍ର ପ୍ରତିଯୋଗୀ ଭାବେ ଅଂଶ ଗ୍ରହଣ କରିଥିଲେ । ମାଲେସିଆରେ ଅନୁଷ୍ଠିତ ହୋଇଥିବା “ଇଣ୍ଟରନ୍ୟାସନାଲ ଗ୍ଲୋବାଲ ୨୦୨୦”ରେ ସ୍ନେହାଶ୍ରୀ ଭାଗ ନେଇ “ମିସ୍ ଲିଟିଲ୍ କୁଇନ” ଓ “୨୦୧୮ରେ ମିସ୍ ଓଡିଶା” ଟାଇଟାଲ ଜିତିଥିଲେ ।