ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ MR-SAMର ସଫଳ ପରୀକ୍ଷଣ

ବାଲେଶ୍ୱର: ବାଲେଶ୍ୱର ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ୩ନଂ ଲଞ୍ଚପ୍ୟାଡ଼ରୁ MR-SAMର ସଫଳ ପରୀକ୍ଷଣ କରାଯାଇଛି । ଅପରାହ୍ନ ୩ ଟା ୫୫ ମିନିଟ୍‌ରେ ମିଡିୟମ ରେଞ୍ଜ ସର୍‌ଫେସ୍‌ ଟୁ ଏୟାର ମିସାଇଲ୍‌ ପରୀକ୍ଷା କରାଯାଇଥିଲା । MR-SAMର ଲକ୍ଷ୍ୟଭେଦ କ୍ଷମତା ହେଉଛି ଶହେ କିଲୋମିଟର । ଏହି ମିସାଇଲରେ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଯନ୍ତ୍ରାଂଶ ବ୍ୟବହାର କରାଯାଇଛି ।

ଏହି ମିସାଇଲ୍ ୬୦ କିଲୋଗ୍ରାମ ପର୍ଯ୍ୟନ୍ତ ଯୁଦ୍ଧାସ୍ତ୍ର ବହନ କରିବାର କ୍ଷମତା ରଖିଛି । MR-SAMର ପରୀକ୍ଷା ପାଇଁ ଲଞ୍ଚପ୍ୟାଡ୍‌ର ଅଢେଇ କିଲୋମିଟର ପରିଧୀ ମଧ୍ୟରେ ଥିବା ୫ଟି ଗାଁରୁ ପ୍ରାୟ ୩ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା । ଗୁରୁବାର ପୂର୍ବାହ୍ନରେ MR-SAMର ହୋଇପାରେ ଆଉ ଏକ ପରୀକ୍ଷା ।