ନାବାଳିକା ଖେଳାଳି ଗଣଦୁଷ୍କର୍ମ ମାମଲା: ହକି କୋଚଙ୍କ ସମେତ ୨ ସହଯୋଗୀ ଗିରଫ

ଯାଜପୁର ନାବାଳିକା ଖେଳାଳି ଗଣଦୁଷ୍କର୍ମ ମାମଲାରେ ୩ ଗିରଫ। ହକି କୋଚ୍ ସନ୍ଦୀପ ସ୍ଵାଇଁ, ତାଙ୍କ ସହଯୋଗୀ ସିଦ୍ଧାର୍ଥ ରାଉତ ଓ ସାଗରଙ୍କୁ ଗିରଫ କରିଛି ପୋଲିସ। ସମସ୍ତେ କଟକ କିଶନନଗର ଥାନା ଅଞ୍ଚଳର। ଏହି ଘଟଣାରେ ୪ ଜଣଙ୍କୁ ପୋଲିସ ଅଟକ ରଖିଥିଲା। ପଚରା ଉଚରା ପରେ ଆପାତତଃ ପ୍ରମାଣ ପାଇବା ପରେ ୩ ଜଣଙ୍କୁ ଗିରଫ କରାଯାଇଛି। ଅଭିଯୋଗ ଅନୁସାରେ ଗତ ୩ ତାରିଖରେ ଜ୍ୟୋତି ଲଜକୁ ନେଇ ହକି ଖେଳାଳିଙ୍କୁ ଦୁଷ୍କର୍ମ କରିଥିଲେ କୋଚ୍ ଓ ତାଙ୍କ ସହଯୋଗୀ। କୋଚିଂ ସିଟ୍ ଦେବାର ଲୋଭ ଦେଖାଇ ସେମାନ ପୀଡ଼ିତାଙ୍କୁ ଡାକିଥିଲେ ଏବଂ ଜ୍ୟୋତି ଲଜକୁ ନେଇ ଦୁଷ୍କର୍ମ କରିଥିଲେ । ଛାତ୍ରୀ ଜଣକ ୨ ବର୍ଷ ହେବ ଯାଜପୁର ହକି ଷ୍ଟାଡ଼ିୟମରେ ପ୍ରଶିକ୍ଷଣ ନେଉଥିଲେ। ପୋକ୍ସୋ କୋର୍ଟରେ ପୀଡିତାଙ୍କ ବୟାନ ରେକର୍ଡ କରାଯାଇଛି। ତିନି ଅଭିଯୁକ୍ତଙ୍କର ଯାଜପୁର ମୁଖ୍ୟ ଚିକିତ୍ସାଳୟରେ ଡାକ୍ତରୀ ମାଇନା କରାଯାଇଛି।