ପଶ୍ଚିମ ଓଡ଼ିଶାର ପ୍ରସିଦ୍ଧ ପର୍ବ ପୁଅ ଜିଉଁନ୍ତିଆ: ପୁଅ ପାଇଁ ସୁଖ ମନାସି ମାଆ ପାଳିଲେ ଦୁତିବାହନ ଓଷା

ମା ସର୍ବଂ ସ୍ୱହା । ସେଇ ମାଆ ପୁଣି ପୁଅର ମଙ୍ଗଳ କାମନା ପାଇଁ କରେ କାଷ୍ଠା ଉପବାସ । ସେଇ କାଷ୍ଠା ମଧ୍ୟରୁ ସବୁଠାରୁ ବଡ଼ ବ୍ରତ ହେଉଛି ପୁଅ ଜିଉଁତିଆ ବା ଦୂତିଆ ଓଷା । କେହି କେହି ଏହାକୁ ମୂଳାଷ୍ଟମୀ ପୂଜା କହିଥାନ୍ତି । ଏହି ପୂଜା ଆଶ୍ଵିନ ମାସ ମୂଳାଷ୍ଟମୀ ଦିନ ହିଁ ହୋଇଥାଏ । ବୌଦ୍ଧ ଜିଲ୍ଲା ସମତେ କଣ୍ଟାମାଳର ସମସ୍ତ ଗାଁ ଗୁଡିକରେ ପାଳିତ ହେଉଛି ପୁଅ ଜିଉଁତିଆ। ପୁତ୍ରର ମଙ୍ଗଳ କାମନା କରି ଦିନ ସାରା ନିର୍ଜଳା ଉପବାସ ରହି ଅପରାହ୍ନରେ ସ୍ନାନ କରି ଏହି ପୂଜା କରାଯାଏ। ସମସ୍ତ ପ୍ରକାର ଫଳ ମୂଳ ସାଥିରେ ନେଇ ନିଶାର୍ଦ୍ଧରେ ଏକ ମୁଖା ହୋଇ ପୂଜାସ୍ଥଳୀକୁ ଯାଇଥାନ୍ତି। ସେଠାରେ ସମସ୍ତେ ଏକତ୍ରିତ ହୋଇ ପୂଜାର୍ଚ୍ଚନା କରିଥାନ୍ତି। ସକାଳୁ ଜଳାଶୟରେ ପହଁଚି ପୂଜା କରିବା ପରେ ଘରକୁ ଫେରି ପୁଅମାନଙ୍କୁ ଦୁବ ଓ ଅରୁଆ ଚାଉଳରେ ଉତୁରାଇ ଥାନ୍ତି ।

ପଶ୍ଚିମ ଓଡ଼ିଶାର ପ୍ରସିଦ୍ଧ ପର୍ବ ପୁଅ ଜିଉଁନ୍ତିଆ । ଯନ୍ତ୍ର, ମନ୍ତ୍ର ଓ ତନ୍ତ୍ରର ସହର ସୁବର୍ଣ୍ଣପୁରରେ ପୁଅ ଜିଉଁନ୍ତିଆ ପର୍ବ ପାଳିତ ହୋଇଛି । ସନ୍ତାନମାନଙ୍କ ମଙ୍ଗଳ କାମନା ଓ ଦୀର୍ଘାୟୁ କାମନା କରି ମାଆ ମାନେ ନିଷ୍ଠାର ସହ ଓଷା ପାଳନ କରିଛନ୍ତି । ମାନସିକଧାରୀମାନେ ମାଆଙ୍କ ନିକଟରେ ଧୂପ, ଦୀପ, ସାତ ପ୍ରକାର ଫଳ ଦେଇ ସ୍ବତନ୍ତ୍ର ପୂଜାର୍ଚ୍ଚନା କରିଛନ୍ତି । ଦେବୀ ଦୁର୍ଗାଙ୍କ ଆସନ ପାଇଁ ମାଟିରେ ତିନୋଟି ବର୍ଗାକାର ଯନ୍ତ୍ର ଖୋଳିବା ସହିତ ଏକ ମାଛ ଛାଡି ପୂଜା କରାଯାଇଛି ।