ଏନକାଉଣ୍ଟରରେ ୧୦ ଜଣ ଉଗ୍ରପନ୍ଥୀ ନିହତ

ନନ୍ଦିଘୋଷ ବ୍ୟୁରୋ : ମଣିପୁରର ଚାଣ୍ଡେଲରେ ଭାରତ-ମିଆଁମାର ସୀମା ନିକଟରେ ଏନକାଉଣ୍ଟରରେ ୧୦ ଜଣ ଉଗ୍ରପନ୍ଥୀ ନିହତ । ଚାଣ୍ଡେଲ ଜିଲ୍ଲାର ଖେଙ୍ଗଜୋୟ ତହସିଲର ନ୍ୟୁ ସାମତାଲ ଗାଁରେ ସର୍ଚ୍ଚ ଅପରେସନ କରୁଥିବା ସୁରକ୍ଷା କର୍ମୀଙ୍କ ଉପରେ ଉଗ୍ରବାଦୀମାନେ ଗୁଳି ଚଳାଇବା ପରେ ସୁରକ୍ଷା ବାହିନୀ ପାଲଟା ଗୁଳିମାଡ଼ କରିଥିଲା । ସୁରକ୍ଷାବଳଙ୍କ ଗୁଳିବିନିମୟରେ ୧୦ଜଣ ଉଗ୍ରବାଦୀ ନିହତ ହୋଇଛନ୍ତି । ଘଟଣାସ୍ଥଳରୁ ଅସ୍ତ୍ରଶସ୍ତ୍ର ଓ ଗୁଳିଗୋଳା ଜବତ ହୋଇଛି । ସଶସ୍ତ୍ର କ୍ୟାଡରଙ୍କ ଗତିବିଧି ସମ୍ପର୍କରେ ଗୁଇନ୍ଦା ବିଭାଗର ଗୁପ୍ତ ସୂଚନା ଆଧାରରେ ଭାରତ-ମିଆଁମାର ସୀମା ନିକଟରେ ସୁରକ୍ଷା ବାହିନୀ ସର୍ଚ୍ଚ ଅପରେସନ୍ କରୁଥିଲେ । ଏବେବି ସର୍ଚ୍ଚ ଅପରେସନ ଜାରି ରହିଛି ।