ଭୁବନେଶ୍ବର : ୧୯୯୯ ମସିହା ଅକ୍ଟୋବର ୨୯ ତାରିଖରେ ମହାବାତ୍ୟା ରଚିଥିଲା ତାଣ୍ଡବ। ମହାବାତ୍ଯାକୁ ଏହା ଭିତରେ ୨୫ବର୍ଷ ବିତି ଯାଇଥିଲେ ବି ତାର କ୍ଷତ ଚି଼ହ୍ନ ମନରୁ ଯାଇନି। ଆଜି ବି ବାତ୍ଯାକୁ ଭୁଲି ପାରିନାହାନ୍ତି ପୁରୀ ଅସ୍ତରଙ୍ଗବାସୀ । ମହାବାତ୍ୟାର ତାଣ୍ଡବରେ ସ୍ୱାମୀଙ୍କୁ ହରାଇଥିବା ନୂଆଗଡ ଗାଁର କମଳା ବିଶ୍ବାଳ। ଆଜି ବି ସେ କଥାକୁ ମନେ ପକାଇଲେ ତାଙ୍କ ଆଖିରେ ଲୁହ ଆସିଯାଏ। ସେହିପରି ମଧୁପୁର ଗାଁର କଲ୍ପନା ବେହେରା ନିଜ ପରିବାରର ସମସ୍ତ ସଦସ୍ୟକୁ ହରାଇଥିଲେ। ବାତ୍ଯାରେ ସ୍ଵାମୀ, ପୁଅ ,ଝିଅ, ଶାଶୁ, ଶଶୁର ଓ ଦିଅର ଚାଲିଗଲେ । ଏବେ ବି କଲ୍ପନା ନିସଙ୍ଗ ଜୀବନ ବିତାଉଛନ୍ତି ।
କେନ୍ଦ୍ରାପଡାରେ ୧୯୯୯ ମସିହାର ମହାବାତ୍ୟା ରଚିଥିଲା ତାଣ୍ଡବ । ଅଧିକ କ୍ଷତିଗ୍ରସ୍ଥ ହୋଇଥିଲା ରାଜନଗର ଏବଂ ମହାକାଳପଡା ବ୍ଲକ। ହଜାର ହଜାର ଲୋକେ ପ୍ରଭାବିତ ହୋଇଥିବା ବେଳେ ଲକ୍ଷାଧିକ କଚ୍ଚାଘର ଭୁସୁଡି ପଡିଥିଲା । ମହାବାତ୍ୟାର କରାଳ ଗ୍ରାସରୁ ଟିକେ ମୁକ୍ତି ମିଳିଥିଲା ହେନ୍ତାଳ ବଣ ପାଇଁ । ୧୯୯୯ ମହାବାତ୍ଯାରେ ମହାକାଳପଡା ଅଞ୍ଚଳରେ ଶହ ଶହ ଲୋକଙ୍କର ପ୍ରାଣହାନୀ ଘଟିଥିଲା । ଆଜି ସେ କରାଳ ବାତ୍ଯାକୁ ମନେ ପକାଇଲେ ଲୋକଙ୍କୁ ଭୟ ଲାଗୁଛି ଆଜି ବି ବାତ୍ଯା ନାଁ ଶୁଣିଲେ ମାଟି ଚାଳ ଘରେ ରହୁଥିବା ପିଲାଙ୍କର ଚିନ୍ତା ବଢିଯାଏ । ମହାବାତ୍ଯାର ମହାଦୁଃଖକୁ ଆଜି ବି ଭୁଲିବା କଷ୍ଟ ।
