ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥାରେ ଜନ ପ୍ରତିନିଧିଙ୍କ କ୍ଷମତାକୁ କରାଯାଉଛି ସଙ୍କୁଚିତ

୧୪ ମାସର ସରକାରରେ ପଞ୍ଚାୟତକୁ ଜାରି ହେଲାଣି ୨୮ଟି ସର୍କୁଲାର। କର୍ମୀଙ୍କୁ ସୁହାଇଲା ଭଳି ସରକାର ଜାରି କରୁଛନ୍ତି ସର୍କୁଲାର। କର୍ମୀମାନେ କିପରି ଗୁଣ୍ଡାରାଜ, ଦାଦାବଟି ଓ ପିସି ଆଦାୟ କରିବେ ସେଥିପାଇଁ ବ୍ୟବସ୍ଥା ହେଉଥିବା ଅଭିଯୋଗ କରିଛି ବିଜେଡି। ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥାକୁ ଧ୍ବଂସ କରିବା ପ୍ରତିବାଦରେ ତାତିଛି ବିଜେଡି। ଆସନ୍ତା ୨୩ରେ ଏନେଇ ବିଧାନସଭା ଘେରାଉ କରିବ ଦଳ। ରାଜ୍ୟ ବିଜେପି ସରକାର ପଞ୍ଚାୟତିରାଜ ବଜେଟକୁ ହ୍ରାସ କରୁଛନ୍ତି। ପିଏମ ଆବାସ ଯୋଜନା ୪ ହଜାର ୩୧୦ କୋଟିରୁ ୮୨୫ କୋଟିକୁ ହ୍ରାସ ପାଇଛି। ଅନ୍ତୋଦୟ ଆବାସ ଯୋଜନା ଲଞ୍ଚିଂ ନାମରେ ଖର୍ଚ୍ଚ ହେଲା ୨୪ କୋଟି। ହେଲେ ଏଯାଏ କୋଅର୍ଡିନେଟରଙ୍କ ଦରମା ମିଳିନି। ନରେଗାରେ ମଜୁରୀ ମିଳୁନି। ନବୀନ ସରକାରରେ ଆମ ଓଡ଼ିଶା ନବୀନ ଓଡିଶାରେ ୪୨୦୦ କୋଟି ବଜେଟ ଥିଲା। କିନ୍ତୁ ଯୋଜନା ନାଁ ବଦଳାଇ ବିକଶିତ ଗାଁ ବିକଶିତ ଓଡିଶା ଯୋଜନା କରି ଅର୍ଥ ବରାଦ କମାଇ ଦିଆଯାଇଛି। ଆମ ଓଡିଶା ନବୀନ ଓଡ଼ିଶାରେ କାମ ନଟ ଷ୍ଟାର୍ଟେଡ଼ ବୋଲି ଲେଖିବାକୁ କୁହାଯାଉଛି। ତଳ ସ୍ତରରେ ଚାପ ସୃଷ୍ଟି କରାଯାଇ ପଂଚାୟତ ସ୍ତରର ନେତାଙ୍କୁ ବିଲ ଦିଆଯାଉ ନାହିଁ । ପଞ୍ଚାୟତିରାଜ ଵ୍ୟଵସ୍ଥାକୁ ଧ୍ୱଂସ କରାଯାଉଛି। ବିଜେଡି ନିରବ ଦ୍ରଷ୍ଟା ହୋଇ ରହିବ ନାହିଁ।

ବ୍ଲକ ଅଧ୍ୟକ୍ଷଙ୍କୁ ରବର ଷ୍ଟାମ୍ପ କରାଯାଇ ସେମାନଙ୍କ କ୍ଷମତାକୁ ସଙ୍କୁଚିତ କରାଯାଇଛି। ୮୫୪ ଜିଲ୍ଲା ପରିଷଦ ସଭ୍ୟ ମଧ୍ୟରୁ ବିଜେଡିର ୭୦୦ ରୁ ଅଧିକ ସଦସ୍ୟ ଜିତିଥିଲେ। ୨୭୦ ରୁ ଅଧିକ ବ୍ଲକରେ ବିଜେଡି ସମର୍ଥିତ ଅଧ୍ୟକ୍ଷ ଅଛନ୍ତି। । ସେହିଭଳି ୮୦ ଭାଗ ରୁ ଅଧିକ ବିଜେଡି ସମର୍ଥିତ ସମିତି ସଭ୍ୟ ଓ ଅନ୍ୟ ପଂଚାୟତ ପ୍ରତିନିଧି ରହିଛନ୍ତି। ଏବେ ୧୦ ଲକ୍ଷ ଯାଏ ବିଲ ବ୍ଲକ ଅଧ୍ୟକ୍ଷ ଅନୁମୋଦନ କରିପାରିବେ ନାହିଁ। ବଦଳରେ ବିଡିଓ କରିବେ। ଓଡିଶା ପଂଚାୟତ ସମିତି ଆକ୍ଟ କହୁଛି ବିଡ଼ିଓ ଏକଜିକ୍ୟୁଟିଭ ଅଫିସର। ଅଧ୍ୟକ୍ଷ ହେଉଛନ୍ତି ଏକଜିକ୍ୟୁଟିଭ ଅଥରିଟି। ଅଫିସର ଏବେ ଉପରେ ରହିଛନ୍ତି। ବାବୁ ଶାସନ ଆରମ୍ଭ କରିଦେଲେ ସରକାର। ଅଧ୍ୟକ୍ଷ ଏବେ ପଙ୍ଗୁ। ସରପଞ୍ଚ, ୱାର୍ଡମେମ୍ବର ଓ ଜିଲ୍ଲା ପରିଷଦ କ୍ଷମତା ଅପହରଣ କରି ଜିଲ୍ଲାପାଳ ଓ ଶାସକ ଦଳର ବିଧାୟକଙ୍କୁ କ୍ଷମତା ଦିଆଗଲା। ନିର୍ବାଚିତ ପ୍ରତିନିଧିଙ୍କ କ୍ଷମତାକୁ ହତ୍ୟା କଲେ। ପଂଚାୟତକୁ ୫୦ ଲକ୍ଷ ଯାଉଥିଲା ଆମ ଓଡ଼ିଶା ନବୀନ ଓଡ଼ିଶାରେ। ଏବେ ବିକଶିତ ଓଡ଼ିଶାରେ ୭ ରୁ ୮ ଲକ୍ଷ ଦିଆଯାଉଛି। କିନ୍ତୁ କାମ ହେଉ ନାହିଁ। ନବୀନ ପଟ୍ଟନାୟକ ସରପଞ୍ଚଙ୍କୁ ଜିଲ୍ଲାପାଳ କ୍ଷମତା ଦେଇଥିଲେ। ଏବେ କିନ୍ତୁ କର୍ମୀଙ୍କୁ କ୍ଷମତା ମିଳିଛି। ସେପଟେ ବିଜେପି ଏହାର ଉତ୍ତର ରଖିଛି।