ମୋହନା ହାଇସ୍କୁଲ ପଡ଼ିଆରେ ଲୋକଙ୍କ ସମସ୍ୟା ଶୁଣିଲେ 5T ସଚିବ, ସମାଧାନ ପାଇଁ ଦେଲେ ପ୍ରତିଶ୍ରୁତି

ଗଜପତି: ଦୁଇ ଦିନିଆ ଗଜପତି ଗସ୍ତରେ 5T ସଚିବ ଭି.କେ ପାଣ୍ଡିଆନ । ମୋହନାରେ ପହଞ୍ଚି ବିଭିନ୍ନ ସଂଗଠନ, ଗୋଷ୍ଠୀ ଓ ଲୋକଙ୍କ ସହ ଆଲୋଚନା କରିବା ସହ ସେମାନଙ୍କଠାରୁ ସ୍ମାରକପତ୍ର ଗ୍ରହଣ କରିଛନ୍ତି 5T ସଚିବ । ଲୋକଙ୍କ ସହ ସମସ୍ୟା ନେଇ ଆଲୋଚନା କରିଛନ୍ତି । ଲୋକଙ୍କଠୁ ସମସ୍ୟା ସମ୍ପର୍କରେ ଅବଗତ ହୋଇ ସମାଧାନ ପ୍ରତିଶ୍ରୁତି ଦେଇଛନ୍ତି । ବ୍ରହ୍ମପୁରରୁ ମୋହନା ଦେଇ ଜୟପୁର ଯାଏ ହେବ ଏକ୍ସପ୍ରେସ ଓ୍ୱେ-୨ । ‘୩ ବର୍ଷରେ ସରିବ ବିଜୁ ଏକ୍ସପ୍ରେସ ଓ୍ୱେ-୨ର ନିର୍ମାଣ । ଏହାଦ୍ବାରା ମୋହନାବାସୀ ବେଶୀ ଉପକୃତ ହେବେ । ୩ ଘଣ୍ଟା ବଦଳରେ ୪୫ମିନିଟରେ ବ୍ରହ୍ମପୁରରେ ପହଞ୍ଚିବେ ଯାତ୍ରୀ । ସେହିପରି ରାୟଗଡ଼ା ଯିବାକୁ ୪ ଘଣ୍ଟା ବଦଳରେ ଦେଢ଼ ଘଣ୍ଟା ଲାଗିବ । ପରେ ମୋହନାର ଜିରାଙ୍ଗରେ ଛାତ୍ରଛାତ୍ରୀଙ୍କ ସହ ଆଲୋଚନା କରୁଛନ୍ତି 5T ସଚିବ ।