ଆସ୍କା: ପୁଅର ଆକ୍ରମଣରେ ଭିଜିଲା ମାଆର ପଣତ। ଯେଉଁ ମାଆ ପାଳିପୋଷି ବଡ଼ କରିଥିଲା ସେହି ପୁଅ ଆଜି ବଇରି ପାଲଟିଲା। ନା ସ୍ନେହର ସମ୍ମାନ ରଖିଲା ନା ମମତାର ମାନ ରଖିଲା। ସବୁ କିଛିକୁ ରକ୍ତର ନଦୀରେ ଭସେଇଦେଲା। ମାଆକୁ ମାରିଦେଲା ସୁନା ପୁଅ। ଗଞ୍ଜାମ କବିସୂଯ୍ୟନଗର ବଣପଲ୍ଲୀ ଗାଁରେ ଜନ୍ମକଲା ପୁଅର କାରନାମା।
ହାତୁଡ଼ିରେ ମାକୁ ପିଟିପିଟି ହତ୍ୟା କରି ଫେରାର ହୋଇଯାଇଛି ସଇତାନ ପୁଅ। ଘଟଣାସ୍ଥଳରେ ପୋଲିସ ପହଞ୍ଚି ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି। ଗଞ୍ଜାମ ଜିଲ୍ଲାରେ ଗୋଟିଏ ଦିନରେ ଦୁଇଟି ହତ୍ୟା କାଣ୍ଡ ଘଟଣା ଘଟିଛି। ଗୋଟିଏ ପଟେ କୋଦଳା ଥାନା ଇଲାକାରେ ଗୁଳିମାଡ଼ ଘଟଣା ସାରା ଜିଲ୍ଲାରେ ଚର୍ଚ୍ଚାର ବିଷୟ ହୋଇଥିବା ବେଳେ କବିସୂର୍ଯ୍ୟନଗର ଥାନା ବଣପଲ୍ଲୀ ଏ ଘଟଣା ଚର୍ଚ୍ଚାର ବିଷୟ ପାଲଟିଛି।
