ନୂଆଦିଲ୍ଲୀ: ବଲିଉଡର ଦୁଇ ଲୋକପ୍ରିୟ ବ୍ୟକ୍ତିତ୍ୱ ତାପସୀ ପନ୍ନୁ ଏବଂ ଅନୁରାଗ କଶ୍ୟପଙ୍କ ଘରେ ଆୟକର ବିଭାଗ ଚଢଉ କରିଛି । ବିଭାଗ ପକ୍ଷରୁ ସେମାନଙ୍କ ନାମରେ ଟିକସ ଫାଙ୍କିବା ଅଭିଯୋଗ କରାଯାଇଥିଲା । ଏହି ପପୁଲାର ବ୍ୟକ୍ତିଙ୍କ ଘରେ ଆୟକର ବିଭାଗର କାର୍ଯ୍ୟାନୁଷ୍ଠାନ ପରେ ରାଜନୀତି ବି ସରଗରମ ହେବାରେ ଲାଗିଛି ।
ଏପରିକି କେହିକେହି ଆୟକର ବିଭାଗର ଏଭଳି କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନ ଉଠାଇବାକୁ ପଛାଉ ନାହାଁନ୍ତି । ଖାସକରି ବିଭାଗର ଜେରାକୁ ନେଇ ତାପସୀ ଏବଂ ତାଙ୍କ ପରିବାର ବହୁତ ଅସନ୍ତୋଷ ପ୍ରକାଶ କରିଛନ୍ତି |
Law of the land is supreme and we must abide by that. The subject matter is beyond yours and my domain. We must stick to our professional duties in the best interest of Indian Sports. https://t.co/nIIf5C8TXL
— Kiren Rijiju (@KirenRijiju) March 5, 2021
ଏବେ ତାପସୀଙ୍କ ସପୋର୍ଟରେ ବାହାରିଛନ୍ତି ତାଙ୍କ ପ୍ରେମିକ ତଥା ଭାରତୀୟ ବ୍ୟାଡମିଣ୍ଟନ କୋଚ ମାଥିଇସ ବୋଏ । ଏଥିସହିତ ସେ କ୍ରୀଡ଼ା ମନ୍ତ୍ରୀ କିରଣ ରିଜ୍ଜୁଙ୍କୁ ଏକ ଟୁଇଟ୍ କରି ଅପିଲ୍ କରିଛନ୍ତି ଯେ ‘‘ଆଇଟି ରେଡ୍ ଯୋଗୁଁ ତାପସୀ ଏବଂ ତାଙ୍କ ପରିବାର ଖୁବ୍ ଚିନ୍ତାରେ ଅଛନ୍ତି। ‘ମୁଁ ଟିକେ ବିବ୍ରତ। ମୁଁ ପ୍ରଥମ ଥର ପାଇଁ ଜଣେ ପ୍ରଶିକ୍ଷକ ଭାବେ ଭାରତରୁ ପ୍ରତିନିଧିତ୍ୱ କରୁଛି । ହେଲେ ଅନ୍ୟପଟେ ତାପସୀଙ୍କ ଘରେ ରେଡ୍ ଯୋଗୁଁ ତାଙ୍କ ପରିବାର ଅସୁବିଧାର ସମ୍ମୁଖୀନ ହେଉଛନ୍ତି । କିରଣ ଜୀ ଆପଣ କିଛି କରନ୍ତୁ’’।
ଏହି ଟ୍ୱିଟର ଉତ୍ତର ଦେଇଛନ୍ତି କିରଣ ରିଜ୍ଜୁ । ସେ ଲେଖିଛନ୍ତି ଯେ ‘ଆଇନ ସବୁଠୁ ଶୀର୍ଷରେ ଏବଂ ଆମେ ସମସ୍ତେ ଏହାକୁ ସମ୍ମାନ ଦେବା ଉଚିତ୍। ଏହି ଘଟଣାଟି ତୁମର କି ମୋ ହାତରେ ନାହିଁ । ଏହା ଆମ ଅଧିନ ବାହାରେ । ଆମେ ବୃତ୍ତିଗତ କର୍ତ୍ତବ୍ୟ ଉପରେ ଧ୍ୟାନ ଦେବା ଉଚିତ୍, ଯାହା ଭାରତୀୟ ଖେଳ ପାଇଁ ଲାଭଦାୟକ ହେବ । ତେବେ ମନ୍ତ୍ରୀଙ୍କ ଏହି ଟ୍ୱିଟ୍ ଏବେ ଭାଇରାଲ ହେବାରେ ଲାଗିଛି। ଯାହାକୁ ନେଇ ଦେଶର ବିଭିନ୍ନ ସ୍ଥାନରୁ ଲୋକମାନେ କମେଣ୍ଟ ଦେବାରେ ଲାଗିଛନ୍ତି ।
