ବାଲେଶ୍ୱର: ବାଲେଶ୍ୱରରେ କୋଭିଡ ନିୟମ ଉଲ୍ଲଂଘନ ଅଭିଯୋଗ। ଝାଡେଶ୍ୱର ଯୁକ୍ତ ଦୁଇ କଲେଜରେ ଯୁକ୍ତ ଦୁଇ ପାଇଁ ଏଣ୍ଟ୍ରାନ୍ସ ପରୀକ୍ଷା ହେଉଥିବା ଖବର ପାଇ ଚଢାଉ। ସବୁ ଛାତ୍ରଛାତ୍ରୀଙ୍କୁ କଲେଜ ଭିତରୁ ବାହାର କରିବା ସହ କଲେଜ କର୍ତ୍ତୃପକ୍ଷଙ୍କୁ ୨୦ ହଜାର ଟଙ୍କା ଜରିମାନା ହୋଇଛି। କୋଭିଡ ନିୟମକୁ ଖୋଲାଖୋଲି ଉଲ୍ଲଂଘନ କରି କଲେଜ କର୍ତ୍ତୃପକ୍ଷ ଏଣ୍ଟ୍ରାନ୍ସ ପରୀକ୍ଷା କରାଉଥିବା ବେଳେ ଜିଲ୍ଲାପାଳଙ୍କ ନିର୍ଦ୍ଦେଶରେ ତହସିଲଦାର ଚଢାଉ କରିଥିଲେ। ତେବେ ରାଜ୍ୟରେ କରୋନା କଟକଣା ପାଇଁ ସମସ୍ତ ସ୍କୁଲ କଲେଜ ବନ୍ଦ ରହିଛି। ପରୀକ୍ଷା ମଧ୍ୟ ବାତିଲ କରାଯାଇଛି। କେଉଁ ପରିସ୍ଥିତିରେ କଲେଜ କର୍ତ୍ତୃପକ୍ଷ ଏତେ ବଡ଼ ପଦକ୍ଷେପ ନେଲେ ତାହା ଜଣାପଡ଼ିନାହିଁ।
