ନୂଆଦିଲ୍ଲୀ: ରାହୁଲ ଗାନ୍ଧିଙ୍କ ନୂଆ ଅବତାର। ଦିଲ୍ଲୀ ରାସ୍ତାରେ ଟ୍ରାକ୍ଟର ଚଲାଇଲେ ରାହୁଲ ଗାନ୍ଧି। କୃଷି ଆଇନ୍ ବିରୋଧରେ କଂଗ୍ରେସ ମୋର୍ଚ୍ଚା ଖୋଲିଥିବାବେଳେ ସଂସଦ ଅଧିବେଶନ ସମୟରେ ଟ୍ରାକ୍ଟର ଚଲାଇ ଲୋକସଭା ଆସିଥିଲେ କଂଗ୍ରେସ ସାଂସଦ ରାହୁଲ ଗାନ୍ଧି। ଏହି ସମୟରେ ଟ୍ରାକ୍ଟର ଉପରେ ବସିଥିଲେ କଂଗ୍ରେସ ସାଂସଦ। ମୋଦି ସରକାର ନୂଆ କୃଷି ଆଇନ୍ ଆଣି ଚାଷୀକୂଳ ଉପରେ ଅତ୍ୟାଚାର କରିଛନ୍ତି। ଏଣୁ ସରକାର ଆଇନ୍ ପ୍ରତ୍ୟାହାର କରନ୍ତୁ। ଯେ ପର୍ଯ୍ୟନ୍ତ ଆଇନ୍ ପ୍ରତ୍ୟାହାର ହୋଇନି ସେ ପର୍ଯ୍ୟନ୍ତ କଂଗ୍ରେସ ପ୍ରତିବାଦ ଜାରି ରଖିବ। ସଂସଦ ବାହାରେ ଓ ସଂସଦ ଭିତରେ କଂଗ୍ରେସ ଚାଷୀଙ୍କ ପାଇଁ ସ୍ୱର ଉତ୍ତୋଳନ କରିବ ବୋଲି କହିଛନ୍ତି ରାହୁଲ ଗାନ୍ଧି।
ସେପଟେ ଚାଷୀମାନେ ଏବେ ଦିଲ୍ଲୀ ସୀମା ଛାଡି ଜନ୍ତରମନ୍ତରରେ କିଷାନ ସଂସଦ ଆରମ୍ଭ କରିଛନ୍ତି। ଆଜି ଏହି କିଷାନ ସଂସଦରେ ସାମିଲ ହୋଇଛନ୍ତି ୨୦୦ ମହିଳା ଚାଷୀ। କେନ୍ଦ୍ର ସରକାର କୃଷି ଆଇନ୍ ପ୍ରତ୍ୟାହାର କରୁ ନାହାଁନ୍ତି, କେବଳ ଚାଷୀମାନଙ୍କୁ ଭୁଆଁ ବୁଲାଉଛନ୍ତି। ଚାଷୀଙ୍କର ସମସ୍ତ ଦାବି ମାନିନେବା ପାଇଁ ଦାବି କରିଛନ୍ତି ଚାଷୀ ନେତା। କୃଷି ଆଇନ୍ ବିରୋଧରେ ଚାଷୀମାନେ ମୋର୍ଚ୍ଚା ଖୋଲିଥିବାବେଳେ ସଂସଦ ଅଧିବେଶନରେ ଏହି ପ୍ରସଙ୍ଗ ଉଠାଇ ସରକାରଙ୍କୁ ଘେରୁଛନ୍ତି ବିରୋଧୀ।
