ଲଣ୍ଡନ : ୮୪ ଲକ୍ଷରେ ନିଲାମ ହେଲା ଯୁକ୍ରେନ ରାଷ୍ଟ୍ରପତିଙ୍କ ସ୍ୱେଟର । ଋଷ ୟୁକ୍ରେନ ଯୁଦ୍ଧ ମଧ୍ୟରେ ଏବେ ଚର୍ଚ୍ଚାକୁ ଆସିଛି ଜେଲେନସ୍କିଙ୍କ ସ୍ୱେଟର । ମେଣ୍ଢାଲୋମରେ ତିଆରି ୟୁକ୍ରେନୀୟ ରାଷ୍ଟ୍ରପତି ଭୋଲୋଦିମିର୍ ଜେଲେନ୍ସ୍କିଙ୍କର ଗୋଟାଏ ପ୍ରସିଦ୍ଧ ଖାକି ସ୍ବେଟର୍କୁ ଇଂଲଣ୍ଡ୍ରେ ନିଲାମ ହୋଇଛି । ସୂଚନା ଅନୁସାରେ, ଭାରତୀୟ ମୁଦ୍ରା ୮୪,୬୦,୨୯୮ଟଙ୍କାରେ (୯୦,୦୦୦ ପାଉଣ୍ଡ୍) ବିକ୍ରି ହୋଇଥିବା ଜଣାପଡ଼ିଛି ।
ରିପୋର୍ଟ ଅନୁସାରେ, ନିଲାମରେ ଉକ୍ତ ପୋଷାକର ପ୍ରାରମ୍ଭିକ ଦର ୫୦,୦୦୦ ପାଉଣ୍ଡ ରଖାଯାଇଥିଲା, କିନ୍ତୁ ବ୍ରିଟିସ୍ ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ ନିଲାମ ଧରିବାକୁ ଆସିଥିବା ବ୍ୟକ୍ତିମାନଙ୍କୁ ନିବେଦନ କରି କହିଥିଲେ ଯେ, ସେମାନେ ଯେତେ ସମ୍ଭବ ଅଧିକ ମୂଲ୍ୟରେ ନିଲାମ ଧରନ୍ତୁ। ଫଳରେ ସ୍ୱେଟର୍ଟିର ଦର ପ୍ରାୟ ୨ଗୁଣକୁ ବୃଦ୍ଧି ପାଇଲା।
ସବୁଜ ସାମରିକ ବେଶପୋଷାକ ପାଇଁ ଜେଲେନ୍ସ୍କି ସୁପ୍ରସିଦ୍ଧ। ରୁଷ୍ ଅଧିକୃତ କିବ୍ ଅଞ୍ଚଳରେ ବୁଲିବା ବେଳେ ସେ ଖାକି ଉଲ୍ ସ୍ବେଟର୍ ପିନ୍ଧିଥିଲେ। ଏହି କାର୍ଯ୍ୟକ୍ରମରେ ଜେଲେନ୍ସ୍କି ଭିଡିଓ କନଫରେନ୍ସ ମାଧ୍ୟମରେ ଧନ୍ୟବାଦ ଅର୍ପଣ କରିବା ସହ ରୁଷୀୟ ଆକ୍ରମଣ ବେଳେ ଇଂଲଣ୍ଡ୍ର ସହାୟତାକୁ ପ୍ରଶଂସା କରିଥିଲେ।
