ପୁରୀ: ଶ୍ରୀମନ୍ଦିର ଉପରେ ଡ୍ରୋନ ଉଡ଼ାଇ ସୋସିଆଲ ମିଡିଆରେ ଭିଡିଓ ପୋଷ୍ଟ ମାମଲା। ପଶ୍ଚିମବଙ୍ଗର ୟୁଟ୍ୟୁବ ବ୍ଲଗର ଅନିମେଶ ଚକ୍ରବର୍ତ୍ତୀଙ୍କୁ ଗିରଫ କଲା ପୁରୀ ପୋଲିସ। କୋଲକାତା ବାରାକପୁରରୁ ଅନିମେଶଙ୍କୁ ଗିରଫ କରାଯାଇଛି। ଗତ ଡିସେମ୍ବର ମାସରେ ଶ୍ରୀମନ୍ଦିର ଉପରେ ଡ୍ରୋନ ଉଡ଼ାଇଥିଲେ ଅନିମେଶ।
ପୁରୀ ଶ୍ରୀମନ୍ଦିର ଉପରେ ଡ୍ରୋନ ଉଡ଼ାଇ ଭିଡିଓକୁ ନିଜ ୟୁଟ୍ୟୁବ ପେଜରେ ଅପଲୋଡ କରିଥିଲେ। ଭିଡିଓ ବିକ୍ରି ପାଇଁ ଟଙ୍କା ମାଗୁଥିବା ଅଭିଯୋଗ ମଧ୍ୟ ହୋଇଥିଲା। ଏନେଇ ବିରୋଧ ହେବା ପରେ କ୍ଷମା ମାଗିଥିଲେ ଅନିମେଶ। ଆଇନ ବିଷୟରେ ନଜାଣି ଏପରି କରିଥିବା ସଫେଇ ଦେଇଥିଲେ। ତେବେ ଅନିମେଶଙ୍କୁ ଗିରଫ କରି ତଦନ୍ତ କରିବାକୁ ଦାବି ହୋଇଥିଲା।
