ଗଞ୍ଜାମ ମୁଣ୍ଡମରାଇରେ ଅଭାବନୀୟ ଘଟଣା; ଚାରି ବର୍ଷର ଶିଶୁକୁ ପିଟିପିଟି ହତ୍ୟା
ଗଞ୍ଜାମ: ଚାରି ବର୍ଷର ଶିଶୁକୁ ପିଟିପିଟି ହତ୍ୟା । ଗଞ୍ଜାମ ଜିଲ୍ଲା ଧରାକୋଟ ଥାନା ମୁଣ୍ଡମରାଇ ଗାଁରେ ଘଟିଛି ଅଭାବନୀୟ ଘଟଣା । ମୃତକ ହେଲେ ହାଟ ସାହିର ଲିତେସ ପାତ୍ର । କାଠ ଫାଳିଆରେ ପିଟିପିଟି ଶ୍ରୀକାନ୍ତ ସେଠୀ ନାମକ ଜଣେ ଯୁବକ ହତ୍ୟା କରିଥିବା ଅଭିଯୋଗ ହୋଇଛି । ଘଟଣାସ୍ଥଳରୁ ଅଭିଯୁକ୍ତ ଫେରାର ହୋଇଯାଇଥିବା ବେଳେ ତଦନ୍ତ ଜାରି ରଖିଛି ପୋଲିସ । ତେବେ ହତ୍ୟାର କାରଣ ଅସ୍ପଷ୍ଟ ରହିଛି ।
ମୃତକଙ୍କ ବାପାଙ୍କ ଅଭିଯୋଗ ଅନୁସାରେ ଅପରାହ୍ମରେ ପୁଅ ଖେଳୁଥିବା ସମୟରେ ନିଖୋଜ ହୋଇଯାଇଥିଲା । ଖୋଜାଖୋଜି ପରେ ଅଭିଯୁକ୍ତର ଘର ଆଗରୁ ମୃତ ଲିତେସର ଚପଲ ପାଇଥିଲେ ପରିବାର ଲୋକ । ପରେ ଶ୍ରୀକାନ୍ତଙ୍କ ଘରର ଉପମ ମହଲାରୁ ପୁଅର ମୃତଦେହ ଉଦ୍ଧାର ହୋଇଥିଲା । ଘଟଣାସ୍ଥଳରୁ ଅଭିଯୁକ୍ତ ଫେରାର ହୋଇଯାଇଛି । ପୋଲିସ ମାମଲା ରୁଜୁ କରି ତଦନ୍ତ ଜାରି ରଖିଛି ।
