ଉମରକୋଟ: ଛତିଶଗଡ଼ରେ ମାଓ ହିଂସା ପରେ ନବରଙ୍ଗପୁରରେ ହାଇ ଆଲର୍ଟ। ପୋଲିସ ଯାଞ୍ଚ କଡ଼ାକଡ଼ି । ଛତିଶଗଡ଼ ଦନ୍ତେବାଡାରେ ମାଓବାଦୀଙ୍କ ଲ୍ୟାଣ୍ଡମାଇନ ବିସ୍ପୋରଣରେ ୧୦ ଯବାନ ଓ ଜଣେ ଡ୍ରାଇଭର ସହିଦ ହୋଇଥିବା ବେଳେ ଓଡିଶା ସୀମାନ୍ତକୁ ଲାଗିଥିବା ପାଞ୍ଚଟି ଜିଲ୍ଲାକୁ ହାଇଆଲୋର୍ଟ ଜାରି କରାଯାଇଛି ।
ସେହିପରି ଛତିଶଗଡ଼ ସୀମାନ୍ତରେ ଉଦନ୍ତି ସୀତା ନଦୀ ଵ୍ରାଘ୍ୟ ଅଭୟାରଣ୍ୟରେ ଗତକାଲି ମାଓବାଦୀ ଓ SOG ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ତେଣୁ ଛତିଶଗଡ ସୀମାକୁ ଲାଗି ରହିଥିବା ନବରଙ୍ଗପୁର ଜିଲ୍ଳାର କୁନ୍ଦେଇ ଓ ଦଣ୍ଡସରା ଭଳି ଗୁରୁତ୍ୱପୂର୍ଣ୍ଣ ସୀମା ଉପରେ ପୋଲିସ ପକ୍ଷରୁ କଡାକଡି ଯାଞ୍ଚ କରାଯିବା ସହ କମ୍ବିଂ ଅପରେସନକୁ ଜୋରଦାର କରାଯାଇଛି।
ଛତିଶଗଡରୁ ଓଡ଼ିଶାକୁ ସଂଯୋଗ କରୁଥିବା ମୁଖ୍ୟ ରାସ୍ତା ଓ ଜଂଗଲୀ ରାସ୍ତା ଗୁଡ଼ିକୁ ସିଲ କରି ଗାଡି ମଟର ଯାଞ୍ଚ କଡାକଡି କରାଯାଇଛି। ଯେପରି ଓଡ଼ିଶା ଭିତରକୁ ମାଓବାଦୀ ପ୍ରବେଶ କରିବେ ନାହିଁ ତାହା ଉପରେ ଗୁରୁତ୍ବ ଦିଆଯାଇଥିବା ପ୍ରକାଶ କରିଛନ୍ତି ଉମରକୋଟ SDPO ଶୁଭେନ୍ଦୁ କୁମାର ଶବର।
