ଖୋର୍ଦ୍ଧା : ପୋଡି ଜଳିଗଲା ଏକର ଏକର ଚାଷ ଜମିର ଧାନ କଳେଇ। ଟାଙ୍ଗୀ ରମ୍ଭାବେଲି ଗାଁରେ ଚାଷ ଜମିରେ ନିଆଁ ଲଗାଇ ଦେବାରୁ ପୋଡି ଯାଇଛି । ପାଖା ପାଖି ୧୦ ଲକ୍ଷ ଟଙ୍କାରୁ ଅଧିକ ଧାନ କଳେଇ ପୋଡି ଜଳି ଯାଇଛି। ମୁଲିଆ ମିଳୁନଥିବାରୁ ଚାଷୀ ମାନେ ଧାନ କାଟି ସାରି ନିଜ ଚାଷ ଜମିରେ ଧାନ କଳେଇ ଗଦା ମାରି ରଖିଥିଲେ।
ପୂର୍ବ ଶତ୍ରୁତାକୁ କେନ୍ଦ୍ର କରି ଦୁର୍ବୃତ୍ତ ନିଆଁ ଲଗାଇ ଦେଇଥିବା ଚାଷୀ ଅଭିଯୋଗ କରିଛନ୍ତି । ଖବର ପାଇ ଟାଙ୍ଗୀ ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିଛନ୍ତି ।
