କୋଲକାତା: ପଶ୍ଚିମବଙ୍ଗ ବର୍ଦ୍ଧମାନ ଜିଲ୍ଲା ସ୍ଥିତ ଆସନ ସୋଲ ସହରରେ ବନ ବିଭାଗ ଅଧିକାରୀଙ୍କ ପକ୍ଷରୁ ରେଡ । ରେଡରେ ୩ ଲିଟର ସାପ ବିଷ ଓ କ୍ରିସଟାଲ ନାମକ ନିଶା ସାମଗ୍ରୀ ସହ ୪ ଜଣଙ୍କୁ ଗିରଫ କରାଯାଇଛି । କୌଣସି ସୂତ୍ରରୁ ଖବର ପାଇ ଆସନ ସୋଲ ବନ ବିଭାଗ ରେଞ୍ଜ ଚିନାକୁଡି ବନ ବିଭାଗ ଅଧିକାରୀଙ୍କୁ ଖବର ଦେଇଥିଲେ ଏକ ଚାର ଚକିଆ ଯାନରେ କିଛି ନିଶା ସାମଗ୍ରୀ ନେଇ ଯାଉଥିବା ନେଇ ଜଣାପଡ଼ିଥିଲା। ଯାହା ପରେ ଚିନାକୁଡି ବନ ବିଭାଗ ଅଧିକାରୀ କାରଟିକୁ ଟ୍ରାକ କରି ଅଟକାଇଥିଲେ । ସେଥିରୁ ୩ ଲିଟର ସାପ ବିଷ ସହ କ୍ରିସଟାଲ ନାମକ ଧଳା ରଙ୍ଗର ନିଶା ସାମଗ୍ରୀ ଜବତ କରିଛନ୍ତି ।
ଯେଉଁ ବିଷର ଅନ୍ତରାଷ୍ଟ୍ରୀୟ ବଜାର ମୂଲ୍ୟ ପ୍ରାୟ ୫ କୋଟି ଟଙ୍କାରୁ ଉର୍ଦ୍ଧ୍ବ ରହିଥିବା ବେଳେ କ୍ରିସଟାଲ ନାମକ ଧଳା ରଙ୍ଗର ନିଶାର ଆନୁମାନିକ ମୂଲ୍ୟ ୧ କୋଟି ରହିଛି । ଏଥି ସହିତ ବନ ବିଭାଗ ଅଧିକାରୀ ୪ ଜଣ କୁ ଗିରଫ କରିଛି । ସେପଟେ ଘଟଣାର ଅଧିକ ତଦନ୍ତ କରୁଛି ପୋଲିସ ।
