ନନ୍ଦିଘୋଷ ବ୍ୟୁରୋ: ଏପ୍ରିଲ ୨୦୨୯ରେ ସମସ୍ତ ଗାଡିରେ ହାଇ ସିକ୍ୟୁରିଟି ନମ୍ବର (HSRP) ପ୍ଲେଟ୍ ଲଗାଇବା ବାଧ୍ୟତାମୂଳକ କରିଥିଲେ କେନ୍ଦ୍ର ସରକାର । କିନ୍ତୁ ଅନେକ ସହରରେ ଗାଡିମାନଙ୍କରେ ବର୍ତ୍ତମାନ ପର୍ଯ୍ୟନ୍ତ HSRP ପ୍ଲେଟ ଲଗାଇବା କାମ ପୂରା ହୋଇପାରିନି । ହାଇ ସିକ୍ୟୁରିଟି ନମ୍ବର ପ୍ଲେଟ୍ ଚୋରି ହୋଇଥିବା ଗାଡିକୁ ଠାବ କରିବାରେ ସାହାଯ୍ୟ କରିଥାଏ। ପୁଣେ ଟ୍ରାଫିକ୍ ବିଭାଗ ଏକ ତଥ୍ୟ ଉପସ୍ଥାପନ କରିଛି, ଯେଉଁଥିରେ ସ୍ପଷ୍ଟ କରାଯାଇଛି ଯେ, ପୁଣେରେ ୨୫ ଲକ୍ଷ ଗାଡି ପଞ୍ଜିକୃତ ହୋଇଛି । କିନ୍ତୁ ସେମାନଙ୍କ ମଧ୍ୟରୁ କେବଳ ୫ହଜାର ଗାଡିରେ ହାଇ ସିକ୍ୟୁରିଟି ପଞ୍ଜିକରଣ ନମ୍ବର ପ୍ଲେଟ୍ ଲାଗିଛି । ଅନ୍ୟପଟେ ପୁଣେରେ ଏହି ପ୍ଲେଟ ଲଗାଇବାର ଶେଷ ତାରିଖ ୩୧ ମାର୍ଚ୍ଚ ୨୦୨୫ ରହିଛି । ଏପରି ସ୍ଥିତିରେ ପ୍ରଶ୍ନ ଉଠୁଛି, ନମ୍ବର ପ୍ଲେଟ ଲାଗିନଥିବା ଗାଡିର ଚାଲାଣ କଟାଯିବ କି ? HSRP ପ୍ଲେଟ୍ ଲଗାଇବାର ଅବଧି ବୃଦ୍ଧି କରାଯିବ କି ? ଜାଣନ୍ତୁ ସମ୍ପୂର୍ଣ୍ଣ ତଥ୍ୟ…
HSRP ପ୍ଲେଟର ଫାଇଦା କ’ଣ?
କେନ୍ଦ୍ର ସରକାର ଏପ୍ରିଲ ୨୦୧୯ରେ ସମସ୍ତ ଗାଡିରେ HSRP ପ୍ଲେଟ ଲଗାଇବା ବାଧ୍ୟତାମୂଳକ କରିଥିଲେ । ଅନେକ ସହରରେ ଏପର୍ଯ୍ୟନ୍ତ ପ୍ଲେଟ ଲଗାଇବା କାମ ସମ୍ପୂର୍ଣ୍ଣ ହୋଇନାହିଁ । ଏହି ପ୍ଲେଟ ଲଗାଇବା ଦ୍ବାରା ହଜିଥିବା ଗାଡି ଖୋଜିବାରେ ସାହାଯ୍ୟ ହୋଇଥାଏ । ଏହା ସହିତ ନମ୍ବର ପ୍ଲେଟ୍ ଦ୍ବାରା ଗାଡିଗୁଡିକୁ ଟ୍ରାକ୍ କରାଯାଇପାରିବ । ଯଦି ଗାଡିରେ HSRP ପ୍ଲେଟ ନାହିଁ, ତେବେ ଟ୍ରାଫିକ୍ ପୋଲିସ ଆପଣଙ୍କର ଚାଲାଣ ମଧ୍ୟ କାଟିପାରିବେ।
HSRP ପ୍ଲେଟ ନଥିଲେ କଟିବ ଚାଲାଣ
ସରକାରଙ୍କ ଏଭଳି ଏକ ନୂଆ ମୋଟର ଯାନ ଆଇନ ପାସ କରିଛନ୍ତି, ଯେଉଁଥିରେ ହାଇ ସିକ୍ୟୁରିଟି ପଞ୍ଜିକରଣ ନମ୍ବର ପ୍ଲେଟ୍ (HSRP)ନଥିଲେ ଆପଣଙ୍କୁ ୫ହଜାରରୁ ଆରମ୍ଭ କରି୧୦ ହଜାର ପର୍ଯ୍ୟନ୍ତ ଜରିମାନା ଭରିବାକୁ ପଡିପାରେ । ସେହିପରି ବିଭିନ୍ନ ରାଜ୍ୟର ଜରିମାନା ଅଲଗା ଅଲଗା ରହିଛି । ଏହା ଛଡା ଯଦି ଆପଣ HSRP ପାଇଁ ଆବେଦନ କରିଛନ୍ତି, ତେବେ ଯାଂଚ ସମୟରେ ବୁକିଂ ରସିଦ ମଧ୍ୟ ଦେଖାଇବାକୁ ପଡିବ । ଯାହା ଦ୍ବାରା ଚାଲାଣରୁ ବର୍ତ୍ତିପାରିବେ ।
ବଢିବ କି HSRPର ଶେଷ ଅବଧି ?
ପୁଣେରେ ୨୪.୨୮ ଲକ୍ଷ ଗାଡି ପଞ୍ଜିକୃତ ହୋଇଛି । ଯେଉଁଥୁରୁ କେବଳ ୫୦୧୪ଟି ଗାଡିକୁ HSRP ମିଳିଛି । ଜାତୀତ ଗଣମାଧ୍ୟମର ରିପୋର୍ଟ ଅନୁଯାୟୀ, ପୁଣେରେ ମୋଟ ୧୫,୧୧୬ଜଣ ଆବେଦନ କରିଛନ୍ତି । ଯେଉଁଥିରୁ ୮,୦୯୦ ଜଣଙ୍କୁ ନିଯୁକ୍ତି ମିଳିଛି ଏବଂ ୫୦୧୪ ଜଣ ସେମାନଙ୍କ ଗାଡି ପାଇଁ HSRP ପାଇଛନ୍ତି। ଏମିତିରେ ଆଶା କରାଯାଉଛି ଯେ, କି HSRPର ଶେଷ ଅବଧି ବୃଦ୍ଧି ହୋଇପାରେ ।
