ଭୁବନେଶ୍ବର : ରାଜ୍ୟରେ ବିଗିଡ଼ିଛି ଆଇନଶୃଙ୍ଖଳା। ମା’ମାନେ ପାଉନାହାନ୍ତି ନ୍ୟାୟ। ଆଜି ସାରା ରାଜ୍ୟରେ କଂଗ୍ରେସର ପ୍ରତିବାଦ ଆନ୍ଦୋଳନ। ଭୁବନେଶ୍ବରରେ ବି ହୋଇଛି ଆନ୍ଦୋଳନ। ରାଜ୍ୟରେ ମହିଳାଙ୍କ ପ୍ରତି ବଢୁଥିବା ଅତ୍ୟାଚାର ବିରୋଧରେ କଂଗ୍ରେସର ଏଡିଏମ ଅଫିସ ଘେରାଉ କରିଛି। ଆସ ଲଢ଼ିବା ମହିଳାଙ୍କୁ ସୁରକ୍ଷା ଦେଵା ନାରା ଦେଇ କଂଗ୍ରେସର ବରିଷ୍ଠ ନେତା, କାର୍ଯ୍ୟକର୍ତ୍ତା ତଥା ଶତାଧିକ ମହିଳା ଘେରାଉ କାର୍ଯ୍ୟକ୍ରମରେ ସାମିଲ ହୋଇଛନ୍ତି। ପିସିସି ସଭାପତି ଭକ୍ତ ଚରଣ ଦାସଙ୍କ ସମେତ ବରିଷ୍ଠ କଂଗ୍ରେସ ନେତା ଶ୍ରୀକାନ୍ତ ଜେନା, ଜୟଦେବ ଜେନା, ଅନନ୍ତ ସେଠୀ, ଶୁଭେନ୍ଦୁ ମହାନ୍ତି ତଥା ଅନ୍ୟ ବହୁ ମହିଳା ନେତ୍ରୀ ଘେରାଉ କାର୍ଯ୍ୟକ୍ରମରେ ସାମିଲ ହୋଇଛନ୍ତି ବିଜେପି ସରକାରର ଜନ ବିରୋଧୀ ଓ ମହିଳା ବିରୋଧୀ ନୀତି ସହ ରାଜ୍ୟରେ ଆଇନଶୃଙ୍ଖଳାର ବିପର୍ଯ୍ୟସ୍ତ ସ୍ଥିତିକୁ ନେଇ ସରକାର ବିରୋଧରେ ଗର୍ଜିଛନ୍ତି କଂଗ୍ରେସ ନେତା।
