ରାଜଧାନୀ: ରାଜଧାନୀରେ କାଳବୈଶାଖୀ ତାଣ୍ଡବ । ଭାଙ୍ଗିଲା ଗଛ ଓ ଲୁହା ବ୍ୟାରିକେଟ। ହଠାତ ପବନ, ବିଜୁଳି, ଘଡଘଡି ସାଙ୍ଗକୁ ପ୍ରବଳ ବର୍ଷା ହୋଇଥିଲା। ରାଜଧାନୀର ବିଭିନ୍ନ ସ୍ଥାନରେ ବିଜୁଳି ସେବା ପ୍ରଭାବିତ ହୋଇଥିଲା। ରାତି ସାରା ଅନ୍ଧାରରେ ରହିଥିଲା ଏହି ସବୁ ଅଞ୍ଚଳ। ଲଗାତର ଦୁଇ ଘଣ୍ଟାରୁ ଅଧିକ ସମୟ ଧରି ତାଣ୍ଡବ ରଚିଥିଲା କାଳବୈଶାଖୀ। ଆଚାର୍ଯ୍ୟବିହାର, ଜୟଦେବ ବିହାର ଛକ ଓ ନିକୋ ପାର୍କ ଛକ ଆଦି ଅଞ୍ଚଳରେ ଲହଡି ଭାଙ୍ଗିଥିଲା ବର୍ଷାଜଳ। ରାସ୍ତାରେ ଆଣ୍ଠୁଏ ପାଣି ଚାଲିଥିଲା। ଲୋୟର ପିଏମଜିରେ ରାସ୍ତାକଡ଼ରେ ଥିବା ବ୍ୟାରିକେଡ ସବୁ ଓଲଟି ପଡ଼ିଥିଲା। ଫଳରେ କିଛି ସମୟ ଟ୍ରାଫିକ ସମସ୍ୟା ସହ ଯାନବାହନ ଚଳାଚଳରେ ବ୍ୟାଘାତ ସୃଷ୍ଟି ହୋଇଥିଲା ।
