ବେଆଇନ କ୍ରସର ବ୍ଲାଷ୍ଟିଂରେ ଅତିଷ୍ଠ ଲୋକେ, ଆନ୍ଦୋଳନ ପାଇଁ ହେଲେଣି ସଜବାଜ

କଣ୍ଟାବାଞ୍ଜି : ବଲାଙ୍ଗୀର ଜିଲ୍ଲା ବାରେଶବାହିଲିରେ ରହିଛି ଡିଡି ବିଲଡର କ୍ରସର । ସେହିପରି ସାନଗମଡା,ଚିତାଡୁଙ୍ଗରିରେ ଅଛି ପଥର କୁଆଁରୀ । ଏହି ସବୁ ଖଣିରୁ ଦୀର୍ଘ ଦିନ ହେଲା ବେଆଇନ ଭାବେ ବ୍ଲାଷ୍ଟିଂ କରାଯାଉଛି । ପ୍ରଦୂଷଣ ବୋର୍ଡର କୌଣସି କାଗଜ ପତ୍ର ନଥିବା ସତ୍ତ୍ଵେ କ୍ରସର ମାଲିକ ଖୁଲମଖୁଲା ଏହାକୁ ଚଳାଉଥିବା ଅଭିଯୋଗ ହେଉଛି । କ୍ରସର ଏବଂ ପଥର କୁଆଁରୀ ଯୋଗୁ ସ୍ଥାନୀୟ ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ପଥର ଗୁଣ୍ଡ ଚାଷ ଜମିରେ ପଡି ଚାଷ ଜମି ସବୁ ନଷ୍ଟ ହେଇ ଯାଉଛି । ଆସନ୍ତୁ ଶୁଣିବା କଣ କହୁଛନ୍ତି ଚାଷୀ ।

ଦିନ ଥିଲା ଚିତାଡୁଙ୍ଗରି ଏକ ବିରାଟ ପାହାଡ ଥିଲା । ହେଲେ ବେଆଇନ ବ୍ଳାଷ୍ଟିଂ ଯୋଗୁ ପାହାଡ କ୍ଷୟ ହେବା ସହ ପରିବେଶ ଦୂଷିତ ହେବାରେ ଲାଗିଛି । ଆଖପାଖ ଗାଁ ଲୋକେ କ୍ରସର ଏବଂ ବ୍ଳାଷ୍ଟିଂ ବନ୍ଦ କରିବାକୁ ଅନେକ ଥର ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି । ହେଲେ ପ୍ରଶାସନ କୌଣସି ଆଖି ଦୃଶିଆ ପଦକ୍ଷେପ ନେଉନଥିବାରୁ ଆନ୍ଦୋଳନ ନେଇ ଚେତାବନୀ ଦେଲେଣି ଗ୍ରାମବାସୀ । ଅନ୍ଯପଟେ ଟିଟିଲାଗଡ ଉପଜିଲ୍ଲାପାଳଙ୍କୁ ଏ ବିଷୟରେ ପଚାରିବାରୁ ସେ କହିଛନ୍ତି ସ୍ଥାନୀୟ ତହସିଲଦାର ଏବଂ ପ୍ରଦୂଷଣ ବୋର୍ଡର ଅଧିକାରୀମାନଙ୍କୁ ଯାଞ୍ଚ ପାଇଁ ନିର୍ଦ୍ଦେଶ ଦିଆଯିବ । ରିପୋର୍ଟ ଆସିବା ପରେ କ୍ରସର ଓ ପଥର କୁଆଁରୀ ବନ୍ଦ କରିବାକୁ ନୋଟିସ ଦିଆଯିବ । ପଥର ବ୍ଲାଷ୍ଟିଂ ଉପରେ ପ୍ରଶାସନ ସତରେ ରୋକ ଲଗାଇବ ନା ଗଣମାଧ୍ଯମକୁ ଚିରାଚରିତ ପ୍ରତିକ୍ରିୟା ଦେଇ ପ୍ରଶାସନ ପୁଣି ଜାଣିଶୁଣି ଶୋଇପଡିବ ।