ପଳାଶୁଣୀରେ ଆରମ୍ଭ ହେବ ଇଣ୍ଟିଗ୍ରେଟେଡ ରିସୋର୍ସ ରିକଭରି କ୍ୟାମ୍ପସ

ଭୁବନେଶ୍ବର :  ପଳାଶୁଣିରେ ହେବ ବର୍ଜ୍ୟବସ୍ତୁ ପରିଚାଳନା ହବ । ନଡ଼ିଆ କତାରୁ ଦଉଡି, ପା-ପୋଛା ଓ ମ୍ୟାଟ ତିଆରି କରିବ ବିଏମସି। ଗ୍ରୀନ ୱେଷ୍ଟରୁ ତିଆରି ହେବ ବାୟୋମାସ ବ୍ରିକେଟିଂ । ଫଳରେ ଗାଡ଼କଣରୁ କମିବ ଆବର୍ଜନା ବୋଝ।  ପଲାଶୁଣୀରେ ତିଆରି ହେଲା ଇଣ୍ଟିଗ୍ରେଟେଡେ ରିସୋର୍ସ ରିକଭରି କ୍ୟାମ୍ପସ। ରାତି ପାହିଲେ ମନ୍ଦିର, ପଇଡ ଦୋକାନଠୁ ଆରମ୍ଭ କରି ଜୁସ ଦୋକାନରୁ ବାହରୁଛି କୁଢ଼କୁଢ଼ ଆବର୍ଜନା। ଆବର୍ଜନାକୁ  ଆଉ ଗୁଣ୍ଡ ନକରି ତିଆରି ହେବ ଦଉଡି ଲୋକଙ୍କ ବ୍ୟବହାର ଯୋଗ୍ୟ ସାମଗ୍ରୀ । ଏଥିପାଇଁ ପଳାଶୁଣିରେ ବିଏମସି ତିଆରି କରିଛି କୋକନାଟ୍ ୱେଷ୍ଟ ପ୍ରୋସେସିଙ୍ଗ ଯୁନିଟ । ପ୍ରତିଦିନ ୧୦ ହଜାର ନିଡ଼ଆ ଆବର୍ଜନାକୁ ପ୍ରୋସେସ କରିବା ଯୋଜନା ହୋଇଛି। କତାରେ ଫାଇବର ରହୁଥିବାରୁ ମାଟିରେ ମିଶୁନାହିଁ । ଏଣିକି ପ୍ରକ୍ରିୟାକରଣ କରାଯାଇ ବିଏମ୍ସି ଲୋକଙ୍କ ପାଇଁ ବିପଣନ ସୁବିଧା କରିବ ।

ପଳାଶୁଣୀର ଆଉ ଗୋଟିଏ ସେଡ୍ରେ ବସିଛି ବାୟୋମାସ ବ୍ରିକେଟିଙ୍ଗ ପ୍ଳାଣ୍ଟ। ଗଛଡାଳ, ପତ୍ର  ଓ ଗଣ୍ଡିରୁ ତିଆର ହେବ ବାୟୋମାସ ବ୍ରିକେଟସ୍। ଏଥିପାଇଁ ବସିଛି ପ୍ରକ୍ରିୟାକରଣ ପ୍ଲାଣ୍ଟ । ରାଜଧାନୀ ଭୁବନେଶ୍ବର ଗ୍ରୀନ ସିଟି ହୋଇଥିବାରୁ ପ୍ରତିଦିନ ୩୦ଟନ ୱେଷ୍ଟ ଏଠାକୁ ଆସିବ ବୋଲି ଆକଳନ କରିଛି ବଏମସି। ବାୟୋମାସ ବ୍ରିକେଟସ୍ କ୍ଷୁଦ୍ର ମଧ୍ୟମ ଉଦ୍ୟୋଗ ପାଇଁ ଜାଳେଣୀ ଭାବେ ବ୍ୟବହାର କରାଯିବ। ସେହିଭଳି ପ୍ଳାଷ୍ଟିକରୁ ପେଭର ବ୍ଳକ ତିଆରି କରିବାକୁ ଯୋଜନା ରଖିଛି ମହାନଗର ନିଗମ ।  ଗାଡ଼କଣ ଡମ୍ପିଂୟାର୍ଡ ବିବାଦକୁ ନେଇ ସୈନିକ ସ୍କୁଲ ବଞ୍ଚାଓ ଅଭିଯାନ ଓ ସ୍ଥାନୀୟ ଲୋକେ ରାସ୍ତାକୁ ଓହ୍ଲାଇ ଥିଲେ। ପଳାଶୁଣୀର ପ୍ରୋସେସିଙ୍ଗ ୟୁନିଟ ଓ ମେହେର ପଲ୍ଲୀରେ ଓଦା ଓଳିଆ ଟ୍ରିଟମେଣ୍ଟ ପ୍ଳାଣ୍ଟ ପୂର୍ଣ୍ଣ କାର୍ଯ୍ଯକ୍ଷମ ହେଲେ ଗାଡ଼କଣରୁ ଦୂର ହେବ ଦୁର୍ଗନ୍ଧ ସହିତ ଅଳିଆ ଆବର୍ଜନା ସମସ୍ୟା ।