ଭୁବନେଶ୍ବର : କୋରାପୁଟ ସହିଦ ଲକ୍ଷ୍ମଣ ନାୟକ ହସପିଟାଲରେ ଭୁଲ ଇଞ୍ଜେକ୍ସନରୁ ୬ ରୋଗୀଙ୍କ ମୃତ୍ୟୁ ପ୍ରସଙ୍ଗ। ତଦନ୍ତ ପୂର୍ବରୁ କ୍ଲିନ ଚିଟ୍ ଦେଇଦେଲେ ସ୍ବାସ୍ଥ୍ୟ ନିର୍ଦ୍ଦେଶକ। କହିଲେ, ଭୁଲ ଇଞ୍ଜେକ୍ସନ କିମ୍ବା ଚିକିତ୍ସା ଅବହେଳାରୁ ଯାଇନି ରୋଗୀଙ୍କ ଜୀବନ। ସେ କହିଛନ୍ତି ଯେ, ପ୍ରାଥମିକ ରିପୋର୍ଟ ଅନୁଯାୟୀ ଏହି ମୃତ୍ୟୁ ଅସ୍ୱାଭାବିକ ମୃତ୍ୟୁ ନୁହେଁ। ଆଇସିୟୁରେ ଗୁରୁତର ରୋଗୀ ଥାଆନ୍ତି। ସେହି ରୋଗୀଙ୍କ ମଧ୍ୟରୁ ଜଣଙ୍କର ଲିଭର ଡ୍ୟାମେଜ ଥିଲା। ଆଉ ଜଣେ ଦୁର୍ଘଟଣାର ଶିକାର ହୋଇ ଚିକିତ୍ସିତ ହେଉଥିଲେ। ଏସସିବି ଓ ବ୍ରହ୍ମପୁର ମେଡିକାଲ କଲେଜ ହସ୍ପିଟାଲର ବିଶେଷଜ୍ଞ ଦଳ ଘଟଣାର ତଦନ୍ତ କରୁଛନ୍ତି। ସାତ ଦିନ ମଧ୍ୟରେ ରିପୋର୍ଟ ଆସିବା ପରେ ରିପୋର୍ଟକୁ ଆଧାର କରି ପଦକ୍ଷେପ ନିଆଯିବ ବୋଲି କହିଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ।
