ଅହମ୍ମଦାବାଦ ପ୍ଲେନ୍ କ୍ରାସ ପରେ ପଶିଲା ଚେତା, ତୁରନ୍ତ ବେଆଇନ କୋଠା ହଟାଇବାକୁ ବିଏମସିକୁ ଚିଠି

ଭୁବନେଶ୍ବର : ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦର ଚାରିପାଖେ ରହିଛି ବଡ଼ ବଡ଼ ଅଟ୍ଟାଳିକା । ତାସହିତ ରନ୍‌ଓ୍ବେ ପାଖରେ ଠିଆ ହୋଇଛି ବଡ଼ ବଡ଼ ଗଛ । ଭୁବନେଶ୍ବର ବିମାନ ବନ୍ଦରରେ ହେଉଛି ଅସୁରକ୍ଷିତ ଟେକଅଫ୍ ଓ ଲ୍ୟାଣ୍ଡିଂ ।  ଯେ କୌଣସି ସମୟରେ ଘଟିପାରେ ଅହମ୍ମଦାବାଦ ପ୍ଲେନ୍‌ କ୍ରାସ ପରି ଘଟଣା । ଏଭଳି ଆଶଙ୍କା କରିଛନ୍ତି ଭୁବନେଶ୍ବର ବିମାନବନ୍ଦର କର୍ତ୍ତୃପକ୍ଷ । ଉଦବେଗ ପ୍ରକାଶ କରି ତୁରନ୍ତ ଗଛ କାଟିବା ସହ ବେଆଇନ ଅଟ୍ଟାଳିକା ହଟାଇବାକୁ ବିଏମ୍‌ସିକୁ ଚିଠି ଲେଖିଛନ୍ତି ବିମାନବନ୍ଦର ନିର୍ଦ୍ଦେଶକ । ସାମାନ୍ୟ ନଜର ହଟିଲେ ଦୁର୍ଘଟଣା ସୁନିଶ୍ଚିତ । ବିମାନ ବନ୍ଦରରୁ ୬୦ ମିଟର ଯାଏ କୌଣସି ନିର୍ମାଣ କାର୍ଯ୍ୟ ହେବା କଥା ନୁହେଁ । ହେଲେ ବିମାନ ବନ୍ଦରର ଟେକଅଫ୍ ଓ ଲ୍ୟାଣ୍ଡିଂ ପଏଣ୍ଟ ବାହାରେ ଗଢି ଉଠିଛି ବଡ଼ ବଡ଼ ବିଲଡିଂ । ରନଓ୍ବେ କଡ଼ରେ ଠିଆ ହୋଇଛି ଓୟୁଏଟିର ବଡ଼ ବଡ଼ ନଡ଼ିଆ ଗଛ ।ହାଉଜାଉ ଆମିଷ ଦୋକାନ ଯୋଗୁଁ ବିମାନକୁ ରହିଛି ପକ୍ଷୀ ମାଡ଼ ଭୟ । ବରମୁଣ୍ଡା, ଓୟୁଏଟି, କାର୍ଗିଲ ରୋଡ, ଜାଗମରା ଓ ଗଣ୍ଡମୁଣ୍ଡା ଆଖପାଖରେ ସର୍ଭେ କରାଯାଇ  ବିଏମସି କର୍ତ୍ତୃପକ୍ଷଙ୍କୁ ତାଲିକା ବି ଦେଇଛନ୍ତି ବିମାନ ବନ୍ଦର କର୍ତ୍ତୃପକ୍ଷ । ବିମାନ ବନ୍ଦର ସେଫଟି ଯାଞ୍ଚ ପାଇଁ ଜୁନ ୩୦ରେ ଫୁଲସ୍କେଲ ରିହାର୍ସଲ କରିବାକୁ ଡିଜିସିଏ ନିର୍ଦ୍ଦେଶ ଦେଇଛି । ବିଲଡିଂ ଭଙ୍ଗା ଓ ଗଛ କଟା ପ୍ରସ୍ତାବକୁ ନେଇ ପ୍ରଶ୍ନ ଉଠାଇଛନ୍ତି ବିଶେଷଜ୍ଞ । ବିମାନ ବନ୍ଦର ପାଖରେ ବିଲଡିଂ ନିର୍ମାଣ ପୂର୍ବରୁ ବିମାନ ବନ୍ଦର କର୍ତ୍ତୃପକ୍ଷଙ୍କ ଅନୁମତି ନେବା କଥା । ହେଲେ ନିର୍ମାଣ ହେଲା ବେଳେ କାହିଁକି ବିମାନବନ୍ଦର କର୍ତ୍ତୃପକ୍ଷ ଏ ଦିଗ ପ୍ରତି ଧ୍ୟାନ ଦେଇନଥିଲେ ବୋଲି ଅଭିଯୋଗ କରିଛନ୍ତି