‘କରୋନା ଟିକା ଓ କୋଭିଡ ପରବର୍ତ୍ତୀ ଆକସ୍ମିକ ମୃତ୍ୟ ମଧ୍ଯରେ ନାହିଁ ସମ୍ପର୍କ’

ନନ୍ଦିଘୋଷ ବ୍ୟୁରୋ :  କରୋନା ଟିକା ଓ କୋଭିଡ ପରବର୍ତ୍ତୀ ଆକସ୍ମିକ ମୃତ୍ୟ ମଧ୍ଯରେ ନାହିଁ ସମ୍ପର୍କ। ଏହା ସ୍ପଷ୍ଟ କରିଛି ଭାରତୀୟ ମେଡିକାଲ ଗବେଷଣା ପରିଷଦ- ଆଇସିଏମଆର। ଆକସ୍ମିକ ମୃତ୍ଯୁ ଲାଗି ଲାଇଫ ଷ୍ଟାଇଲ ଓ ଅନ୍ୟାନ୍ଯ କାରଣ ଦାୟୀ ବୋଲି ଆଇସିଏମଆର କହିଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ କହିଛି- କୋଭିଡ-୧୯ ଟିକା ଓ ଯୁବବର୍ଗଙ୍କ ମଧ୍ୟରେ ଦେଖାଯାଉଥିବା ହୃଦଘାତ ମଧ୍ୟରେ କୌଣସି ସମ୍ପର୍କ ନାହିଁ। କୋଭିଡ ଟିକା ହୃଦଘାତଜନିତ ସମସ୍ଯା ସୃଷ୍ଟି କରିଥାଇପାରେ ବୋଲି କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦରମୈୟା କହିବା ପରେ ଏହାକୁ ନେଇ ପ୍ରତିକ୍ରିୟା ରଖିଛି ଆଇସିଏମଆର। ଗତ କିଛି ବର୍ଷ ମଧ୍ୟରେ ହୃଦଘାତରେ ୪୦ ବର୍ଷ ବୟସ୍କ ସିଦ୍ଧାର୍ଥ ଶୁକ୍ଳା, ୫୩ ବର୍ଷ ବୟସ୍କ ଗାୟକ କେକେ, ୪୬ ବର୍ଷବୟସ୍କ ପୁନୀତ ରାଜକୁମାର, ୫୦ ବର୍ଷ ବୟସ୍କ ରାଜ କୌଶଳ ଓ ୫୮ ବର୍ଷ ବୟସ୍କ କମେଡିଆନ ରାଜୁ ଶ୍ରୀବାସ୍ତବଙ୍କ ଦେହାନ୍ତ ହୋଇଥିଲା। ୨୦୨୧ ଅକ୍ଟୋବରରୁ ୨୦୨୩ ମାର୍ଚ୍ଚ ମଧ୍ୟରେ ପ୍ରାଣ ହରାଇଥିବା କିଛି ସ୍ବାସ୍ଥ୍ୟବାନ ବ୍ୟକ୍ତିଙ୍କ କ୍ଷେତ୍ରରେ ଏହି ଗବେଷଣା  କରାଯାଇଥିଲା।