ଆଇଓବି ବ୍ୟାଙ୍କ କର୍ମଚାରୀଙ୍କ ଠାରୁ ଲୁଟ୍

ଛେଣ୍ଡିପଦା : ବନ୍ଧୁକ ଓ ଭୁଜାଲି ମୁନରେ ଲୁଟ। ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ବରପଦା ଛକ ନିକଟରୁ ଆଇଓବି ବ୍ୟାଙ୍କ ସହଯୋଗୀଙ୍କ ଠାରୁ ୧୫ହଜାର ଟଙ୍କା ଲୁଟ ହୋଇଛି। ବରପଦା ଗାଁର ସୁଜ୍ଞାନ ସାହୁ କୋଶଳା ଆଇଓବି ବ୍ୟାଙ୍କର ସହଯୋଗୀ ଭାବେ କାର୍ଯ୍ୟ କରନ୍ତି l ଗତକାଲି ଅପରାହ୍ନରେ ୬ଟା ବେଳେ ସୁଜ୍ଞାନ ବ୍ୟାଙ୍କରୁ କାମ ସାରି ନିଜ ସ୍କୁଟିରେ ଘରକୁ ଫେରୁଥିବା ବେଳେ ବରପଦା ଗାଁ ଛକ ନିକଟରେ ଦୁଇ ଜଣ ଦୁର୍ବୁତ୍ତ ଏକ କଳା ମୋଟରସାଇକେଲରେ ଆସି ସୁଜ୍ଞାନକୁ ବନ୍ଧୁକ ଓ ଭୁଜାଲି ଦେଖାଇ ତାଙ୍କ ସ୍କୁଟି ନେଇ ଦୁର୍ଗାପୁର ଆଡ଼କୁ ଫେରାର ହୋଇ ଯାଇଥିଲେ । ଏନେଇ ସୁଜ୍ଞାନ ପାଟି କରିବାରୁ ସ୍ଥାନୀୟ ଲୋକେ ଦୁର୍ବୁତ୍ତଙ୍କ ପିଛା କରିଥିଲେ l ଦୁର୍ବୁତ୍ତ ମାନେ ଦୁର୍ଗାପୁର ଘାଟି ନିକଟରେ ସ୍କୁଟି ଡ଼ିକି ଭାଙ୍ଗି ସେଥିରୁ ୧୫ହାଜର ଟଙ୍କା ନେଇ ଫେରାର ହୋଇ ଯାଇଥିଲେ । ଏନେଇ ପୋଲିସ ନିକଟରେ କୌଣସି ମାମଲା ରୁୁ ହୋଇନଥିବା ପୋଲିସ ପ୍ରକାଶ କରିଛି।