ଜମ୍ଭୀରା ନଦୀ ବନ୍ଧ ଭାଙ୍ଗି ଯୋଗାଯୋଗ ବିଚ୍ଛିନ୍ନ

ବାରିପଦା : ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକରେ ବର୍ଷାର ପରିମାଣ କମିଥିଲେ ସୁଦ୍ଧା ବର୍ଷା ଯୋଗୁଁ ବିଭିନ୍ନ ଅଞ୍ଚଳ ଜଳମଗ୍ନ ହୋଇଛି। ବଡାମପୁର ନିକଟରେ ଜମ୍ଭୀରା ନଦୀ ବନ୍ଧ ଭାଂଗି ସମ୍ପୃକ୍ତ ଅଂଚଳରେ ଯୋଗାଯୋଗ ବିଚ୍ଛିନ୍ନ ହୋଇଛି। ଜମ୍ଭୀରା ନଦୀ ପାଣି ପଶି ଚାଷ ଜମି ଜଳମଗ୍ନ ହୋଇଛି। ଜଳସ୍ତର କମିବାରେ ଲାଗିଥିବାରୁ ବିପଦର ଆଶଙ୍କା ନଥିବା ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି। ହେଲେ ନଦୀ ବନ୍ଧ ଭାଙ୍ଗିଥିବାରୁ ସମ୍ପୃକ୍ତ ଅଂଚଳର ବିଧି, ପଥରଚାଟିଆ, ଭଇରଙ୍ଗୀ, ରାଘବପୁର, ହାଣ୍ଡିଧୁଆ ଆଦି ଗାଁର ପ୍ରାୟ ୨ ହଜାର ଏକର ଚାଷ ଜମି ଏବେ ଜଳମଗ୍ନ ଥିବା ଜଣାପଡ଼ିଛି ।