ବଢିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ତର

ସମ୍ବଲପୁର : ବୃଦ୍ଧି ପାଇବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ତର। ହୀରାକୁଦ ଜଳଭଣ୍ଡାରକୁ ପ୍ରତି ସେକେଣ୍ଡରେ ପ୍ରବେଶ କରୁଛି ୫ ଲକ୍ଷ ୪୨ ହଜାର ୪୪୮ ଘନଫୁଟ ବନ୍ୟାଜଳ। ସେହିପରି ମୋଟ ୨୦ଟି ଗେଟ୍ ଦେଇ ୩ ଲକ୍ଷ ୪୧ ହଜାର ୮୩୪ ଘନଫୁଟ ବନ୍ୟାଜଳ ନିଷ୍କାସିତ ହେଉଛି। ବନ୍ୟା ଜଳ ପ୍ରବେଶର ମାତ୍ରା ବଢୁଥିବାରୁ ପୁଣି  ଅଧିକ ଗେଟ୍ ଖୋଲିବା ସମ୍ଭାବନା ରହିଛି l ସେପଟେ ଜଳ ଭଣ୍ଡାରର ଜଳସ୍ତର ୬୧୩.୭୩ ଫୁଟ୍ ଅତିକ୍ରମ କରି ସାରିଥିବା ବେଳେ, ଆଜି ଦିନ ୧୨ ଟାରେ ସର୍ବାଧିକ ପାଣି ଆସିବାର ଆକଳନ କରିଛନ୍ତି ହୀରାକୁଦ ଜଳଭଣ୍ଡାର କର୍ତ୍ତୃପକ୍ଷ।