କୋଣାର୍କ : ହାଟ ସମସ୍ୟାକୁ ନେଇ ବିଜେପି କର୍ମୀଙ୍କ ଭିତରେ ବାକ ଯୁଦ୍ଧ, ଅଭିନଵ ଉପାୟରେ ହାଟ ମଧ୍ୟରେ ଧାନ ଚାଷ । ଲୋକଙ୍କ ସାମ୍ନାରେ ବିଜେପି କର୍ମୀଙ୍କ ମଧ୍ୟରେ କଥା କଟାକଟି। ପୁରୀ ଜିଲ୍ଲା କାକଟପୁର ଅଞ୍ଚଳ ସମେତ ସନ୍ନିକଟ ଅଞ୍ଚଳର ଶତାଧିକ ପରିବାର ଓଥକା ସାପ୍ତାହିକ ପରିବା ହାଟ ଓ ପରିବା ବଜାର ଉପରେ ନିର୍ଭର କରିଥାନ୍ତି। ବେପାରୀ, ଚାଷୀ ଓ ଖାଉଟି ସମସ୍ତେ ପୁତ୍ତିଗନ୍ଧମୟ ପରିବେଶରେ ପ୍ରବେଶ କରୁଥିଲେ ମଧ୍ୟ ଏହାର ପ୍ରତିକାର ଦିଗରେ କେହି ପଦକ୍ଷେପ ନେଉନାହାନ୍ତି । ନିର୍ବାଚିତ ଲୋକ ପ୍ରତିନିଧି ମାନେ ନୀରବତା ଅବଲମ୍ବନ କରୁଥିବା ବେଳେ ପ୍ରଶାସନିକ ଅଧିକାରୀ ମାନେ ନିର୍ବିକାର ଭାବେ ରହିଛନ୍ତି। ଯାହାକୁ ନେଇ ଯାତାୟାତ କରୁଥିବା ଚାଷୀ, ବ୍ୟବସାୟୀ ଓ କ୍ରେତା ଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। କାକଟପୁର ବ୍ଲକ ଓଥକା ସାପ୍ତାହିକ ହାଟ ଓଥକା ପଂଚାୟତ ମାଧ୍ୟ୍ୟମରେ ପରିଚାଳନା ହେଉଛି। ପ୍ରତି ସପ୍ତାହକୁ ଦୁଇ ଥର ହାଟରେ କାରବାର ହୋଇଥାଏ।କାକଟପୁର ବଜାର ସମେତ ୧୦ରୁ ୧୫କିଲୋମିଟର ସନ୍ନିକଟ ଗ୍ରାମରୁ ବେପାରୀ ଓ ଖାଉଟି ଏହି ହାଟ ଉପରେ ନିର୍ଭର କରିଥାନ୍ତି। ହାଟ ଭିତରକୁ ୪ଟି ପ୍ରବେଶ ପଥ ଅଛି। ଗୋଟିଏ ପ୍ରବେଶ ପଥକୁ ଛାଡି ଦେଲେ ଅନ୍ୟ ପ୍ରବେଶ ପଥ ଦେଈ ହାଟ କୁ ଆସିବା କାଠିକର ପାଠ । ଯାହାକୁ ନେଇ ହାଟ ସମସ୍ୟା ଦୂର ନହେବାରୁ ସ୍ଥାନୀୟ ଯୁବକ ଅଭିନଵ ଉପାୟରେ ହାଟ ମଧ୍ୟରେ ଧାନ ତଳି ଲଗାଛନ୍ତି। ଯାହାକୁ ବିରୋଧ କରି ସରପଞ୍ଚ ଙ୍କ ପ୍ରତିନିଧି ଓ ସ୍ଥାନୀୟ ଯୁବକ ମଧ୍ୟରେ ଦୀର୍ଘ ସମୟରେ ବାକ ଯୁଦ୍ଧ ହୋଇଥିଲା। ପୂର୍ବରୁ ଏହି ସବୁ କିଛି ସ୍ଥାନ କଂକ୍ରିଟ ଥିଲା, ରକ୍ଷଣାବେକ୍ଷଣ ଅଭାବ ରୁ ଧୀରେ ଧୀରେ ନଷ୍ଟ ହୋଇଗଲା ପରେ ଏପରି ଅବସ୍ଥା ହୋଇଛି। ହାଟ ମଧ୍ୟରେ ଅନେକ ସ୍ଥାନରେ ଚାଷୀ ଓ ବେପାରୀ ମୁଣ୍ଡରେ ଜରିପାଲ ଦେଈ ପରିବା ସମେତ ଅନ୍ୟାନ୍ୟ ସାମଗ୍ରୀ ବିକ୍ରି କରୁଛନ୍ତି। ଯେଉଁ ଆଡ଼େ ଦେଖିବ କାଦୁଅ ପଚ ପଚ। ପଚା ସଢା ପରିବା ପଚି ସଢ଼ି ପୁତିଗନ୍ଧମୟ ପରିସ୍ଥିତି ସୃଷ୍ଟି ହୋଇଛି। ବର୍ଷ ବର୍ଷ ଧରି ଏପରି ସମସ୍ୟା ରହିଛି । ଏହି ସ୍ଥାନଟି ଗାଈ ଷଣ୍ଡଙ୍କ ଚରାଭୂଇଁ ପାଲଟିଛି। ଜିଲ୍ଲା ପ୍ରଶାସନ ଚାଷୀ, ବ୍ୟବସାୟୀ ଓ ଖାଉଟି ଙ୍କ ସୁବିଧା ପାଇଁ ଅତ୍ୟାଧୁନିକ ସେଡ ସହ ହାଟ ଉର୍ନ୍ନତି କରଣ ପାଇଁ ଏବେ ଦାବି ଜୋର ଧରିଛି ।
