ଇପସିତା ଓ ଚିନ୍ମୟଙ୍କୁ ସମ୍ଵର୍ଦ୍ଧିତ କରିବ ବିଜେଡି

ବିଜୁ ଛାତ୍ର ଜନତା ଦଳର ନବ ନିଯୁକ୍ତ ସଭାନେତ୍ରୀ ଇପସିତା ସାହୁ ଓ ବିଜୁ ଯୁବ ଜନତା ଦଳର ସଭାପତି ଚିନ୍ମୟ ସାହୁଙ୍କୁ ଆଜି ସମ୍ଵର୍ଦ୍ଧିତ କରାଯିବ। ଏହି ଦୁଇ ଯୁବ ନେତା ଓ ସେମାନଙ୍କୁ ମାର୍ଗ ଦର୍ଶନ କରିବା ପାଇଁ ଚୟନ ହୋଇଥିବା ଅନ୍ୟ ନେତାଙ୍କୁ ସମ୍ଵର୍ଦ୍ଧିତ କରାଯିବ। ଆଜି ଭୁବନେଶ୍ୱର ବିମାନ ବନ୍ଦର ନିକଟରେ ଥିବା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ନିକଟରୁ ପଦଯାତ୍ରା କରାଯିବ। ପ୍ରଥମେ ବିଜୁ ବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଯୁବ ଓ ଛାତ୍ର ବିଜେଡି କର୍ମକର୍ତା ଶଙ୍ଖ ଭବନ ଯାଏଁ ପଦଯାତ୍ରା କରିବେ। ସେଠାରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯିବ। ଏହି ସମାରୋହରେ ବରିଷ୍ଠ ଉପସଭାପତି ଦେବୀ ମିଶ୍ର ଓ ଉପସଭାପତି ପ୍ରତାପ ଜେନାଙ୍କ ସମେତ ଅନ୍ୟ ବରିଷ୍ଠ ନେତା ଯୋଗ ଦେବେ। ସମସ୍ତ ଛାମୁଆ ସଂଗଠନକୁ ସୁଦୃଢ କରି ଦାୟିତ୍ବବାନ ବିରୋଧୀ ଦଳ ଭାବେ କିପରି ଦଳ ଆଗକୁ ଯାଇ ସରକାରଙ୍କ ତ୍ରୁଟିକୁ ଲୋକଲୋଚନକୁ ଆଣିବ, ସେ ନେଇ ସାଧାରଣ ସଭାରେ ଆଲୋଚନା ହେବ।