ଅବ୍ୟବସ୍ଥାରେ ଜୟପୁର ବିକ୍ରମଦେବ ବିଶ୍ବବିଦ୍ୟାଳୟ : ୮୦ ଜଣ ଅତିଥି ଅଧ୍ୟାପକରେ ଚାଲିଛି ପାଠପଢ଼ା

ନନ୍ଦିଘୋଷ ବ୍ୟୁରୋ : ଅବ୍ୟବସ୍ଥା ମଧ୍ୟରେ ଜୟପୁର ବିକ୍ରମଦେବ ବିଶ୍ବବିଦ୍ୟାଳୟ । ଅତିଥି ଅଧ୍ୟାପକରେ ଚାଲଛି ପାଠପଢ଼ା । ବିଶ୍ବବିଦ୍ୟାଳୟର କୁଳୁପତିଙ୍କୁ ଘେରିଲେ ଅତିଥି ଅଧ୍ୟାପକ। ହେଲେ ୭ ମାସ ହେଲା ମିଳିନି ଦରମା । ଉଚ୍ଚଶିକ୍ଷା ବିଭାଗର ନୂଆ ନୟମ ଅନୁସାରେ ପ୍ରତି କ୍ଲାସ ପାଇଁ ୭ଶହ ଟଙ୍କା ହୋଇଥିବା ବେଳେ ଏବେ ବି ୫ ଶହ ଟଙ୍କା ମିଳୁଛି । ଯାହାକୁ ନେଇ ଆଜି କୁଳପତିଙ୍କ କାର୍ଯ୍ଯାଳୟ ଆଗରେ ଧାରଣାରେ ବସି ପ୍ରତିବାଦ କରିଛନ୍ତି ଶତାଧିକ ଅତିଥି ଅଧ୍ୟାପକ। ଧାରଣା ଯୋଗୁଁ ଛାତ୍ରଛାତ୍ରୀଙ୍କ ପରିକ୍ଷା ବି ବାତିଲ୍ ହୋଇଛି ।

ଅତିଥି ଅଧ୍ୟାପକଙ୍କ ହାତରେ ଜୟପୁର ବିକ୍ରମଦେବ ବିଶ୍ବବିଦ୍ୟାଳୟ । ଛାତ୍ରଛାତ୍ରୀଙ୍କ ଦାୟିତ୍ବ ନେଉଛନ୍ତି ପ୍ରାୟ ୮୦ ଅତିଥି ଅଧ୍ୟାପକ । ଉଚ୍ଚଶିକ୍ଷା ବିଭାଗର ନୂଆ ନିୟମ ଅନୁସାରେ ପ୍ରତି କ୍ଲାସକୁ ୭ ଶହ ଟଙ୍କା ମିଳିବାକୁ ଥିବାବେଳେ ମିଳୁଛି ୫ ଶହ ଟଙ୍କା । ତଥାପି ୭ ମାସ ହେଲା ମିଳିନି ଦରମା । ପ୍ରତିବାଦରେ ଧାରଣାକୁ ଓଲ୍ଲାଇଛନ୍ତି ଅତିଥି ଅଧ୍ୟାପକ । ନୁତନ ଦର ଅନୁଯାୟୀ ଅର୍ଥ ଦାବି କରି ଧାରଣା ଦେଇଛନ୍ତି ଅତିଥି ଅଧ୍ୟାପକ । ଫଳରେ ଛାତ୍ରଛାତ୍ରୀଙ୍କ ପରୀକ୍ଷା ବାତିଲ କରାଯାଇଛି । ସେପଟେ ସମାଧାନ ପାଇଁ ୩ ଦିନ ସମୟ ଦେଇଛନ୍ତି ଆନ୍ଦୋଳନରତ ଅଧ୍ୟାପକ । ସମାଧାନ ନହଲେ ପୁଣି କ୍ଲାସ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି ।

ବିଶ୍ବବିଦ୍ୟାଳୟରେ ୧୨୦ ଜଣ ଅଧ୍ୟାପକ ରହିବା କଥା । ହେଲେ ନିଯୁକ୍ତି ନଥିବାରୁ ୮୦ ଜଣ ଅତିଥି ଅଧ୍ୟାପକ ରେ ଚାଲିଛି ପାଠପଢ଼ା । ଫଳରେ ଛାତ୍ରଛାତ୍ରୀଙ୍କ ଅସୁବିଧା ହେଉଥିବା ଅଭିଯୋଗ ହୋଇଛି । ସେପଟେ କୁଳପତି କହିବା କଥା, ଅତିଥି ଅଧ୍ୟାପକ ମାନେ ଗତ ୭ ମାସ ଧରି ଦରମା ପାଇନଥିବା ଖବର ସେ ଅବଗତ ଅଛନ୍ତି । ତୁରନ୍ତ ଉଚ୍ଚଶିକ୍ଷା ବିଭାଗ ସହିତ ଆଲୋଚନା କରି ଏହାର ସମାଧାନ ଦିଗରେ କାର୍ଯ୍ୟ କରାଯିବ ।