ବାଣ ବିସ୍ଫୋରଣ ଘଟଣା ପରେ ତତ୍ପର ପ୍ରଶାସନ, ବାଣ ବ୍ୟବସାୟୀଙ୍କ ଘରେ ରେଡ଼

କଣ୍ଟାମାଳ : ବାଣ ବିସ୍ଫୋରଣ ଘଟଣା ପରେ ତତ୍ପର ହୋଇଛି ପ୍ରଶାସନ । ପୋଲିସ ପକ୍ଷରୁ ଜଣେ ବାଣ ବ୍ୟବସାୟୀ ଆଲୋକଦତ୍ତ କାଣ୍ଟିଙ୍କ ଘରେ ରେଡ଼ ଜାରି ରହିଛି । ବାଣ ନଷ୍ଟ ପାଇଁ ୩ଟି ଟ୍ରକରେ ଲୋଡ଼ ଚାଲିଛି ବାଣ । ଗତକାଲି ରାତିରେ ଅଗ୍ନିସମ ବିଭାଗ ପକ୍ଷରୁ ବାଣକୁ ପାଣି ସ୍ପ୍ରେ କରି ଓଦା କରାଯାଇଥିଲା ବେଳେ ଆଜି ବାଣକୁ ନଷ୍ଟ କରିବା ପ୍ରକ୍ରିୟା ଆରମ୍ଭ ହୋଇଛି । ଦୁଇଟି ପିକପ ସହ ଗୋଟିଏ ବଡ ଟ୍ରକରେ ଲୋଡ଼ ହେଉଛି ବାଣ । ବୌଦ୍ଧ ଜିଲ୍ଲା ପୁରୁଣାକଟକ ଭଳି ଏକ ଛୋଟ ଜାଗାରେ ୩ଟ୍ରକ ବାଣ ଗୋଟିଏ ଘରୁ ବାହାରିବା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଖାଲି ଏତିକି ନୁହେଁ ଆଗକୁ ପୁରୁଣାକଟକ ସହ ଅନ୍ୟ ଜାଗାରେ ମଧ୍ୟ୍ୟ ବାଣ ଗୋଦାମ ଗୁଡିକ ରେଡ଼ କରାଯିବ ବୋଲି ପୋଲିସ କହିଛି । ଏହି ରେଡ଼ରେ ବୋୖଦ୍ଧ SDPOଙ୍କ ସମେତ ୩ଜଣ IIC ସାମିଲ ହୋଇଛନ୍ତି । ଅନ୍ୟପଟେ ସମସ୍ତ ବାଣକୁ ବୋୖଦ୍ଧ ବଲାସିଙ୍ଗା ସ୍ଥିତ IRB ବାଟଲେୟନ ପରିସରରେ ପୋତାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।