ମାଛ ତରକାରୀ ଖାଇ ଜଣେ ମୃତ, ତିନି ଗୁରୁତର…

ବାସୁଦେବପୁର : ଫୁଡ୍ ପଏଜିଂ ନେଲା କି ପୁଅର ଜୀବନ। ଗତକାଲି ମାଛ ତରକାରୀ ଖାଇବା ପରେ ପରିବାରର ସମସ୍ତଙ୍କୁ ବାନ୍ତି। ହସ୍ପିଟାଲକୁ ନିଆଯାଇଥିଲେ ମଧ୍ୟ ୪ ବର୍ଷର ପୁଅର ମୃତ୍ୟୁ। ଏହା ସହିତ ପରିବାରର ଅନ୍ୟ ୩ ଜଣ ଗୁରୁତର ଅସୁସ୍ଥ ହୋଇଛନ୍ତି। ସମସ୍ତଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଏହି ଅଘଟଣ ଘଟିଛି ବାସୁଦେବପୁର ବ୍ଲକ ଅରଣ୍ଡୁଆ ପଞ୍ଚାୟତର କନକଲତା ବନ୍ଧ ଗାଁର। ଗାଁକୁ ଆସିଥିବା ମାଛ  ବିକାଳିରୁ ଗତକାଲି ମାଛ କିଣି ଖାଇଥିଲେ ଗୋଟିଏ ପରିବାର। ଏହା ପରେ ସମସ୍ତଙ୍କର ବାନ୍ତି ହୋଇଥିଲା ରାତିରେ। ଡାକ୍ତରଖାନା ନେବା ବାଟରେ ୪ ବର୍ଷର ପୁଅର ମୃତ୍ୟୁ ହୋଇଛି। ଅନ୍ୟ ତିନି ଜଣଙ୍କୁ  ପ୍ରାଥମିକ ଚିକିତ୍ସା ପରେ ଭଦ୍ରକ ଜିଲ୍ଲା ଡାକ୍ତରଖାନାକୁ ରେଫର କରାଯାଇଛି । ମାଛ ତରକାରୀରେ ଝିଟିପିଟି ପଡ଼ି ଖାଦ୍ୟ ବିଷାକ୍ତ ହୋଇଥିବା ସନ୍ଦେହ କରାଯାଉଛି।