ବନ୍ୟା ପରିସ୍ଥିତି ଚିନ୍ତାଜନକ : ନବୀନ

ଭୁବନେଶ୍ବର  ; ରାଜ୍ୟରେ ବନ୍ୟା ଗମ୍ଭୀର ପରିସ୍ଥିତି ସୃଷ୍ଟି କରିଛି । ଗଜପତି ଜିଲ୍ଲାରେ ଏକାଧିକ ଭୂସ୍ଖଳନ ସହ ବନ୍ୟା ଖବର ବେଶ ଚିନ୍ତାଜନକ ବୋଲି କହିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରେ ମାତ୍ରାଧିକ ବର୍ଷା ଧନଜୀବନକୁ ବହୁଳ ଭାବେ ପ୍ରଭାବିତ କରିଛି । କେଉଁଠି ପ୍ରାଣହାନୀ ତ କେଉଁଠି ଲୋକେ ନିଖୋଜ, ବନ୍ୟାଘେରରେ ପରିବାର ଦିନ କାଟୁଛନ୍ତି । ରାସ୍ତା ବନ୍ଦ ଯୋଗୁଁ ଜରୁରୀକାଳୀନ ସେବା ପାଇବାରୁ ଅନେକ ଗାଁ ବଞ୍ଚିତ ହୋଇଛନ୍ତି । ବନ୍ୟା ପ୍ରଭାବିତ ଲୋକଙ୍କ ତାଙ୍କର ସମବେଦନା ରହିଛି ବୋଲି ସୋସିଆଲ ମିଡିଆରେ ପୋଷ୍ଟରେ ଉଲ୍ଲେଖ କରିଛନ୍ତି ନବୀନ । ତ୍ୱରିତ ଉଦ୍ଧାର ଓ ରିଲିଫ କାର୍ଯ୍ୟ ସୁନିଶ୍ଚିତ କରିବାକୁ ସେ ପ୍ରଭାବିତ ସ୍ଥାନରେ ଥିବା ଅଧିକାରୀଙ୍କୁ ଆହ୍ବାନ କରିଛନ୍ତି । ପ୍ରଭାବିତ ଅଞ୍ଚଳରେ ସମସ୍ତଙ୍କ ସୁରକ୍ଷା ପାଇଁ ପ୍ରାର୍ଥନା କରୁଛି ବୋଲି ପୋଷ୍ଟରେ ଉଲ୍ଲେଖ କରିଛନ୍ତି ।